મુખ્ય ચુટણી કમિશનર રાજીવ કુમારના નેતૃત્વમાં ચૂંટણી પંચના 20 સભ્યોની ટીમ મિઝોરમના પ્રવાસે

પાંચ રાજ્યોની વિધાનસભાની ચૂંટણીની તૈયારીઓની પ્રક્રિયા ઝડપી બની

મધ્યપ્રદેશ, છત્તીસગઢ, તેલંગાણા, મિઝોરમ અને રાજસ્થાનમાં વિધાનસભાની તૈયારીઓ પૂરજોશમાં ચાલી રહી છે. જે અંગે મુખ્ય ચૂંટણી કમિશનર રાજીવ કુમારના નેતૃત્વમાં ચૂંટણી પંચની 20 સભ્યોની ટીમ મિઝોરમની મુલાકાતે છે. મુખ્ય ચૂંટણી કમિશનર રાજીવ કુમાર અને ચૂંટણી કમિશનર અનૂપ ચંદ્ર પાંડે અને અરુણ ગોયલ 29 ઓગસ્ટથી 31 ઓગસ્ટ સુધી આઈઝોલમાં રહેશે.

કોઈપણ રાજ્યમાં ચૂંટણી પહેલા ચૂંટણી પંચની ટીમ તે રાજ્યની મુલાકાત લે છે અને ચૂંટણીની તૈયારીઓનું નિરીક્ષણ કરે છે. મધ્યપ્રદેશ, છત્તીસગઢ, તેલંગાણા, મિઝોરમ અને રાજસ્થાનમાં ઓક્ટોબર અને નવેમ્બરમાં વિધાનસભાની ચૂંટણી યોજાય તેવી શક્યતા છે. આ પહેલા ચૂંટણી પંચના અધિકારીઓએ તૈયારીઓની સમીક્ષા કરવા છત્તીસગઢની મુલાકાત પણ લીધી હતી.

મિઝોરમ વિધાનસભાનો કાર્યકાળ આ વર્ષે 17 ડિસેમ્બરે સમાપ્ત થઈ રહ્યો છે. હાલમાં મિઝોરમમાં મિઝો નેશનલ ફ્રન્ટ સત્તા પર છે. તે જ સમયે, તેલંગાણા, રાજસ્થાન, મધ્યપ્રદેશ અને છત્તીસગઢની વિધાનસભાનો કાર્યકાળ આવતા વર્ષે જાન્યુઆરીમાં અલગ-અલગ તારીખે સમાપ્ત થઈ રહ્યો છે. જ્યારે તેલંગાણામાં ભારત રાષ્ટ્ર સમિતિ (TRS) સત્તામાં છે, ત્યારે મધ્ય પ્રદેશમાં ભાજપનું શાસન છે. છત્તીસગઢ અને રાજસ્થાનમાં કોંગ્રેસની સરકારો છે.