લખનઉમાં કેન્દ્રીય ગૃહમંત્રી અમિત શાહના CAA મુદ્દે વિપક્ષ પર પ્રહાર

કેન્દ્રીય ગૃહમંત્રી અમિત શાહે ગઈકાલે લખનઉ ખાતે CAA ના સમર્થનમાં યોજાયેલી રેલીને સંબોધન કર્યું હતું. CAA કાયદા મુદ્દે હાથ ધરાયેલા જનજાગરણ અભિયાન હેઠળ આ રેલી યોજાઈ હતી.

કેન્દ્રીય ગૃહમંત્રી અમિત શાહે ગઈકાલે લખનઉ ખાતે CAA ના સમર્થનમાં યોજાયેલી રેલીને સંબોધન કર્યું હતું. CAA કાયદા મુદ્દે હાથ ધરાયેલા જનજાગરણ અભિયાન હેઠળ આ રેલી યોજાઈ હતી. વિરોધ પક્ષોની આલોચના કરતાં અમિત શાહે જણાવ્યું હતું કે, વિરોધપક્ષ આ કાયદાનો વિરોધ કરીને ભ્રમણા ફેલાવે છે. કોંગ્રેસ મતબેન્કનું રાજકારણ રમી રહી છે. તેમણે એમ પણ કહ્યું હતું કે, આ કાયદો નાગરિકતા છીનવવાની નહીં પણ નાગરિકતા આપવાની જોગવાઈ ધરાવે છે. પાકિસ્તાનમાં હાલ ત્રણ ટકા હિંદુ જ રહી ગયા હોવાનું જણાવીને તેમણે પાકિસ્તાનમાં હિંદુધર્મી લોકોની સ્થિતિનું વર્ણન પણ કર્યું હતું.