લોકસભામાં થયેલી દિલ્હી હિંસાની ચર્ચાનો અમિત શાહએ આપયો જવાબ

હિંસા માટે જવાબદાર કોઇ પણ વ્યક્તિને છોડવામાં નહીં આવે. તેમની સામે કડકમાં કડક પગલા લેવાશે.

લોકસભામાં કેન્દ્રીય ગૃહમંત્રી અમિત શાહે જણાવ્યું હતું , કે દિલ્હી હિંસા , એક સુનિયોજીત કાવતરૂ હતું. આ હિંસા માટે જવાબદાર કોઇ પણ વ્યક્તિને છોડવામાં નહીં આવે. તેમની સામે કડકમાં કડક પગલા લેવાશે. લોકસભામાં થયેલી દિલ્હી હિંસાની ચર્ચાનો , અમિત શાહ જવાબ આપી રહ્યાં હતા. જવાબ આપતા તેમણે જણાવ્યું , કે દિલ્લી હિંસામાં 52 લોકોના મોત થયા, જેના પરિજનો પ્રત્યે , તેઓ સંવેદના વ્યક્ત કરે છે.. આ અગાઉ લોકસભા અધ્યક્ષ ઓમ બિરલાએ , કોંગ્રેસના સાત સભ્યોના સસ્પેન્શનના આદેશને , તાત્કાલિક રદ્દ કરવાની જાહેરાત કરી હતી. ગત અઠવાઠિયે આ સાત સભ્યોને , અશિસ્ત વ્યવહારના કારણે , સંસદના બાકી સત્ર માટે સસ્પેન્ડ કરવામાં આવ્યા હતા. કોંગ્રેસના સાતેય સભ્યોના સસ્પેન્શનના આદેશને રદ્દ કરવાના નિર્ણયને , લોકસભામાં ધ્વનિ મતથી પસાર કરવામાં આવ્યો હતો. ત્યારબાદ અધ્યક્ષે સંસદમાં જણાવ્યું હતું , કે પાંચ માર્ચે સસ્પેન્ડ કરાયેલા કોંગ્રેસના સાતેય સભ્યોનું સસ્પેશન્સ , રદ થાય છે. લોકસભાના અધ્યક્ષ ઓમ બિરલાએ જણાવ્યું, કે સંસદના બધા જ નેતાઓએ સંસદની ગરિમાને જાળવવા માટે , સંમતિ વ્યક્ત કરી છે. તેમણે વધુમાં જણાવ્યું હતું કે, સંસદ , સમગ્ર દેશ માટે એક ઉદાહરણ બને, અને ગ્રામપંચાયત સુધી તેની ચર્ચા થાય , તેવા પ્રયાસ કરવા જોઈએ.