લોકસભા ચૂંટણીના ત્રીજા તબક્કાને લઇને મંગળવારે મતદાન

13 રાજ્યો અને બે કેન્દ્રશાસિત પ્રદેશોના લોકસભાના 116,ક્ષેત્રોમાં મંગળવારે વોટ નાખવામાં આવશે.

લોકસભાના ત્રીજા તબક્કાની ચૂંટણી માટે પ્રચાર અભિયાન રવિવારે સાંજથી પૂર્ણ થયું છે. વિવિધ પક્ષોએ મતદાતાઓનું સમર્થન મેળવવા માટે એડી-ચોટીનું જોર લગાવ્યું હતું. 13 રાજ્યો અને બે કેન્દ્રશાસિત પ્રદેશોના લોકસભાના 116,ક્ષેત્રોમાં મંગળવારે વોટ નાખવામાં આવશે. ગુજરાતના 26, કેરળના - 20, મહારાષ્ટ્ર અને કર્ણાટકના -14 - 14, ઉત્તર પ્રદેશના 10, છત્તીસગઢના - 7, ઓડિશામાં - 6, બિહાર અને પશ્ચિમ બંગાળના 5- 5, આસામની - 4, ગોવાની - 2 , જમ્મુ - કાશ્મીર, દાદરાનગર હવેલી, દમણ અને દીવ , અને ત્રિપુરાની એક - એક બેઠક માટે મતદાન યોજવામાં આવશે.