સંરક્ષણમંત્રી રાજનાથ સિંહે આજે ચંદીગઢ ખાતે વાયુ સેનાના હેરિટેજ સેન્ટરનું ઉદ્ઘાટન કર્યું

સંરક્ષણમંત્રી રાજનાથ સિંહે આજે ચંદીગઢ ખાતે વાયુ સેનાના હેરિટેજ સેન્ટરનું ઉદ્ઘાટન કર્યું છે. ભારતીય વાયુસેના અને કેન્દ્રશાસિત પ્રદેશ ચંદીગઢ વચ્ચે ગયા વર્ષે થયેલી સમજૂતી હેઠળ આ હેરિટેજ સેન્ટરની સ્થાપના કરાઇ છે. આશરે 17 હજાર ચોરસ ફૂટ વિસ્તારમાં ફેલાયેલા આ હેરિટેજ સેન્ટરમાં મ્યુરલ અને મોડેલ દ્વારા ભારતીય હવાઇદળે વર્ષ 1965, 1971, કારગીલ યુદ્ધ અને બાલાકોટ હુમલામાં કરેલી કામગીરીની માહીતી આપવામાં આવી છે.  આ ઉપરાંત અહીં વિવિધ વિમાનોના મોડેલ, એરો એન્જિન અને શસ્ત્રો પ્રસ્તુત કરાયા છે. સેન્ટરમાં હોલોગ્રામ, વર્ચ્યુઅલ રીયાલીટી અને ઇન્ટર એકટીવ કિયોસ્ક દ્વ્રારા મુલાકાતીઓને માહીતી આપવામાં આવે છે. 
આ ઉપરાંત સિમ્યુલેટરની મદદથી મુલાકાતીઓ પ્રત્યક્ષ ઉડ્ડયનનો અનુભવ મેળવી શકે છે. સેન્ટરના એક વિભાગમાં ભારતીય વાયુસેનાના બહાદુર જવાનોએ વિવિધ સંકટોમાં કરેલી રાહત અને બચાવ કામગીરીની માહીતી આપવામાં આવે છે.