સરકારે ડિઝિટલ કેલેન્ડર અને ડાયરી એપ લૉન્ચ કરી 

કેન્દ્રિય સૂચના અને પ્રસારણ મંત્રી પ્રકાશ જાવડેકરે આજે ભારત સરકારના નવા ડિજિટલ કેલેન્ડર અને ડાયરી એપનું વિમોચન કર્યું હતું.

કેન્દ્રિય મંત્રી પ્રકાશ જાવડેકરે આ અંગે જણાવ્યું હતું કે, આ ડિજિટલ કેલેન્ડર અને ડાયરી એપ સરકારી કર્મચારીઓ અને સામાન્ય નાગરિકો બંને માટે ફાયદાકારક સાબિત થશે.

કારણ કે, ભારતમાં પરિવર્તન લાવવા માટે કેન્દ્ર સરકારે  100થી વધુ ક્રાંતિકારી પગલાં લીધા છે. આ તમામ પગલાં કયા મહિનામાં લેવાયા તે અંગેની સંપૂર્ણ વિગત લોકો આ એપના માધ્યમથી જાણી શકશે.

વધુમાં તેમણે ઉમેર્યું હતું કે  આ એપ દરેક પ્રકારના મોબાઈલમાં મળી શકશે. આ એપમાં દરેક મહિના માટે અલગ અલગ થીમ નક્કી કરવામાં આવી છે. તેમણે કહ્યું કે ડિજિટલ ઈન્ડિયાને પ્રોત્સાહન આપવા માટે આ એપનું વિમોચન કરવામાં આવ્યું છે.