સ્ટેચ્યુ ઓફ યુનિટી ખાતે અખિલ ભારતીય પીઠાસીન અધિકારીઓની દ્વિ-દિવસીય પરિષદનું રાષ્ટ્રપતિના હસ્તે ઉદ્ઘાટન

ગુજરાતમાં કેવડિયા ખાતે અધ્યક્ષ અધિકારીઓના 80માં અખિલ ભારતીય સંમેલનનું રાષ્ટ્રપતિ રામનાથ કોવિંદે ઉદ્ઘાટન કર્યું અને સંબોધન દરમિયાન કહ્યું કે "ભારતીય લોકશાહી સંસ્થાઓ જતા સમય સાથે વધુ શક્તિ મેળવી રહી છે". આ વર્ષે કોન્ફરન્સની થીમ "વિધાનસભા, કારોબારી અને ન્યાયતંત્રના સુમેળપૂર્ણ સંકલન- વાઇબ્રન્ટ લોકશાહીની ચાવી" રાખવામાં આવી છે.

ગુજરાતમાં કેવડિયા ખાતે અધ્યક્ષ અધિકારીઓના 80માં અખિલ ભારતીય સંમેલનનું ઉદઘાટન કરતાં રાષ્ટ્રપતિ રામનાથ કોવિંદે કહ્યું કે, "લોક પ્રતિનિધિઓ પાસેથી એવી અપેક્ષા રાખવામાં આવે છે કે તેઓ હંમેશા લોકશાહીના તમામ સિદ્ધાંતો પ્રત્યે પ્રામાણિક રહે. રાષ્ટ્રપતિએ કહ્યું કે જન પ્રતિનિધિઓ અને લોકશાહી સંસ્થાઓ સમક્ષ સૌથી મોટો પડકાર જનતાની અપેક્ષાઓ પૂરી કરવાનો છે. 

કેવડિયા ખાતે સંબોધન દરમિયાન તેમણે કહ્યું હતું કે ભારતીય લોકશાહી સંસ્થાઓ એવા સમયે વધુ મજબૂતી પ્રાપ્ત કરી રહી છે જ્યારે વિશ્વભરમાં લોકશાહી સંસ્થાઓ પર સવાલ ઉભા થાય છે. ભારતીય પ્રાચીન પુસ્તકોમાં લોકશાહીના મૂલ્યોનો ઉલ્લેખ હોવાનું જણાવીને રાષ્ટ્રપતિએ કહ્યું કે, આપણા સ્થાપક પિતાએ બંધારણમાં આ ભાવનાઓને અંતિમ સ્વરૂપ આપ્યું છે.
રાષ્ટ્રપતિએ ખુશી વ્યક્ત કરી કે આ સંમેલન સરદાર વલ્લભભાઇ પટેલની વિશ્વની સૌથી ઊંચી પ્રતિમા સ્ટેચ્યુ ઓફ યુનિટી ખાતે યોજવામાં આવ્યું છે.
ઉપ-રાષ્ટ્રપતિ વેંકૈયા નાયડુએ પોતાના સંબોધનમાં કહ્યું હતું કે વિધાનસભા, કારોબારી અને ન્યાયતંત્ર વચ્ચે સુમેળપૂર્ણ સંકલન, વાઈબ્રન્ટ લોકશાહીની ચાવી છે.
લોકસભા સ્પીકર અને આ પરિષદના અધ્યક્ષ ઓમ બિરલાએ તમામ ભાગ લેનારા પ્રિઝાઇડિંગ અધિકારીઓને બંધારણના દિવસે બંધારણીય જવાબદારી વિશે વિચાર કરવા હાકલ કરી છે. તેમણે આપણા મહાન નેતાઓ દ્વારા નિર્ધારિત લક્ષ્યોને પૂર્ણ કરવા માટે પ્રિઝાઇડિંગ અધિકારીઓને શપથ લેવાની પણ અપીલ કરી.