PM કેયર્સથી બનશે 551 ઓક્સિજન પ્લાન્ટ

કોરોના મહામારીનો સામનો કરવા માટે સરકાર યુદ્ધના ધોરણે કામ કરી રહી છે. ઓક્સિજનની વધારે આપૂર્તિને સુનિશ્ચિત કરવા માટે પીએમ કેયર્સ ફંડથી સમગ્ર દેશમાં 551 પીએસએ ઓક્સિજન ઉત્પાદન પ્લાન્ટ સ્થાપવામાં આવશે. આ પ્લાન્ટ દેશના તમામ જિલ્લા મુખ્યાલયોના સરકારી હોસ્પિટલમાં સ્થાપવામાં આવશે. પ્રધાનમંત્રી નરેન્દ્ર મોદીએ આ પ્લાન્ટને ઝડપથી શરૂ કરવા માટેનો આદેશ આપ્યો છે. પ્રધાનમંત્રીએ કહ્યું કે, આ પ્લાન્ટ જિલ્લા ધોરણે ઓક્સિજન આપૂર્તિ માટે મોટી સહાય કરશે. આ પ્લાન્ટની સ્થાપનાથી સરકારી હોસ્પિટલોમાં ઓક્સિજનની આપૂર્તિ સરળ થશે. તો આ પહેલાં પીએમ કેયર્સ ફંડ હેઠળ દેશની હોસ્પિટલમાં 162 ઓક્સિજન પ્લાન્ટને સ્થાપિત કરવા માટે 201.58 કરોડ રૂપિયા મંજૂર કરાયા છે.