RBI ના વ્યાજદરોમાં કોઈ પણ બદલાવ નહિ થાય: RBI ગવર્નર શક્તિકાંત દાસ

રિઝર્વ બેંક ઓફ ઈન્ડિયાના ગવર્નર શક્તિકાંત દાસે RBI ની મોદ્રિક નીતિ વિશે જાણકારી આપી હતી. તેમણે કહ્યું, RBI ના વ્યાજદરોમાં કોઈ પણ બદલાવ નહિ થાય. દેશની અર્થવ્યવસ્થામાં પણ સુધારો જોવા મળી રહ્યું છે. સેન્ટ્રલ બેંકે પણ  મુખ્ય દરો યથાવત રાખવાનો નિર્ણય કર્યો છે. નવા કોરોના વાયરસ વેરિઅન્ટ ઓમિક્રોનને કારણે વૈશ્વિક ભય વચ્ચે, આરબીઆઈ તેની આગામી નાણાકીય નીતિમાં યથાસ્થિતિ જાળવી રાખશે. ફુગાવાને સમાવવા અને વૃદ્ધિને પ્રોત્સાહન આપવા માટે બેન્ચમાર્ક વ્યાજ દરને માપાંકિત કરશે. આ સાથે, આ સતત નવમી વખત છે જ્યારે દર યથાવત છે. રીવર્સ રેપો દર 3.35% પર સ્થિર છે, જયારે નીતિગત રેપો દર 4 % પર યથાવત રહેશે. 2021-22 માં અર્થવ્યવસ્થા 9.5% ની દરે વધવાની સંભાવના કરી છે.

મોનેટરી પોલિસી કમિટી (એમપીસી) એ જણાવ્યું હતું કે જ્યાં સુધી અર્થવ્યવસ્થામાં ટકાઉ રિકવરી ન થાય ત્યાં સુધી નીતિનું વલણ “અનુકૂલનશીલ” રહેશે. અનુકૂળ વલણનો અર્થ છે કે MPC દરો ઘટાડવા અથવા તેને યથાવત રાખવા માટે તૈયાર છે.