SC સબરીમાલા મંદિરમાં તમામ વયની મહિલાઓને પ્રવેશવા મુદ્દે નિર્ણય

સુપ્રીમકોર્ટની નવ ન્યાયાધીશોની બંધારણીય પીઠ આજે કેરળના સબરીમાલા મંદિરમાં તમામ વયની મહિલાઓને પ્રવેશ આપવાના મામલે નિર્ણય સંભળાવશે. બંધારણીય પીઠની અધ્યક્ષતાં ચીફજસ્ટીસ એસ.એ. બોબડે કરી રહ્યાં છે. આ પીઠમાં અન્ય સભ્યોમાં ન્યાયધીશ આર.ભાનૂમતિ., જસ્ટિસ અશોક ભૂષણ., જસ્ટિસ એલ.નાગેશ્વર રાવ., જસ્ટિસ એમ.એમ, શાંતનાગૌદર, જસ્ટિસ એસ.એ,નઝીર, જસ્ટીસ આર.સુભાષ રેડ્ડી., જસ્ટિસ બી.આર,ગવઈ અને સુર્યકાંતનો સમાવેશ થાય છે.. સર્વોચ્ચ અદાલતે 6 જાન્યુઆરીના રોજ સંવિધાન પીઠની રચના સંબંધી એક નોટિસ જાહેર કરી હતી. આ પીઠ મામલા સાથે સંબંધિત 60 અરજીઓ પર સુનાવણી કરાશે. મહત્વપૂર્ણ છે કે, 28 સપ્ટેમ્બર 2018ના રોજ ઐતિહાસિક ચુકાદાની વિરૂદ્ધ દાખલ કરેલી પુનર્વિચાર અરજીને ધ્યાનમાં લેતા આ મામલાને એક બૃહદ પીઠને સોંપવાનો નિર્ણય કર્યો હતો. આ નિર્ણયમાં સુપ્રીમકોર્ટે સબરીમાલા મંદિરમાં તમામ ઉંમરની મહિલાઓને પ્રવેશની પરવાનગી આપી હતી. તત્કાલીન ચીફ જસ્ટીસ રંજન ગોગોઈની અધ્યક્ષતાવાળી પાંચ સભ્યોની પીઠે આ વિષયમાં 3-2થી નિર્ણય સંભળાવ્યો હતો અને ત્યારબાદ નવ સભ્યોની પીઠની રચના કરવામાં આવી હતી.