અમદાવાદના નિકોલમાં આશરે 20,000 ચો.મી વિસ્તારમાં શહેરી વિસ્તારની પ્રથમ ફ્લાવર વેલીનો આરંભ

અમદાવાદ મ્યુનિસિપલ કોર્પોરેશન દ્વારા નિકોલ વિસ્તારમાં ભારતના શહેરી વિસ્તારની પ્રથમ ફ્લાવર વેલી તૈયાર કરવામાં આવી છે. અમદાવાદ મ્યુનિસિપલ કોર્પોરેશન દ્વારા તૈયાર કરવામાં આવેલી ફ્લાવર વેલી ગુજરાતની પ્રથમ ફ્લાવર વેલી છે. આ ફ્લાવર વેલી નવા નિકોલ વિસ્તારમાં ફોર્ચ્યુન સર્કલ નજીક સત્વ ગેલેક્સી ફ્લેટ પાસે અંદાજિત 20 હજાર ચો.મી કરતા વધુ વિસ્તારમાં ડેવલપ કરવામાં આવી છે. 

ફ્લાવર વેલીમાં કોસમોસ જાતના પ્લાન્ટેશનના જુદા-જુદા કલરના ફુલોના પ્લાન્ટ્સ લગાવવામાં આવ્યા છે. આ ફ્લાવર વેલીમાં પ્રવેશ સમય સવારે 9 થી રાત્રિના 9 વાગ્યા સુધીનો રાખવામાં આવ્યો છે. 

આ પ્રસંગે જગન્નાથજી મંદિરના મહામંડલેશ્વર દિલીપદાસજી મહારાજ અમદાવાદના મેયર કિરીટ પરમાર સહિતના લોકો ઉપસ્થિત રહ્યાં હતા