આજે છે આંતરરાષ્ટ્રીય મહિલા દિવસ..જાણો આજના દિવસની રોચક વાતો

આ વર્ષે આંતરરાષ્ટ્રીય મહિલા દિવસ 2022ની થીમ ‘જેન્ડર ઇક્વાલિટી ટુડે ફોર એ સસ્ટેનેબલ ટુમોરો’ જેનો અર્થ છે કે યોગ્ય આવતીકાલના સર્જન માટે જાતીય સમાનતા હોવી જરૂરી છે

આંતરરાષ્ટ્રીય મહિલા દિવસ શું છે અને તેની શરૂઆત ક્યારે થઈ?

આંતરરાષ્ટ્રીય મહિલા દિવસ (IWD) દર વર્ષે 8 માર્ચે ઉજવવામાં આવે છે. ફેબ્રુઆરી 1909 માં યુનાઇટેડ સ્ટેટ્સમાં રાષ્ટ્રીય મહિલા દિવસ તરીકે જીવનની શરૂઆત થઈ. તે પછીના વર્ષે, ડેનમાર્કના કોપનહેગનમાં કાર્યકારી મહિલાઓની બીજી આંતરરાષ્ટ્રીય પરિષદમાં, મહિલા અધિકાર કાર્યકર્તા ક્લેરા ઝેટકીને મહિલાઓને વધુ અવાજ આપવા માટે આંતરરાષ્ટ્રીય મહિલા દિવસની પ્રસ્તાવના મુકવામાં આવી. સમાન અધિકારો માટેની તેમની માંગણીઓને આગળ વધારવા માટે તેઓ આગ્રહી હતા. ફિનલેન્ડની પ્રથમ ત્રણ મહિલા સાંસદો સહિત 17 દેશોની મહિલા ઉપસ્થિતોએ તેને સર્વસંમતિથી મંજૂરી આપી હતી. આંતરરાષ્ટ્રીય મહિલા દિવસ માર્ચ 1911માં પ્રથમ વખત ચિહ્નિત કરવામાં આવ્યો હતો અને તારીખ 8 માર્ચ 1913 માં નક્કી કરવામાં આવી હતી. સંયુક્ત રાષ્ટ્રએ 1975 માં પ્રથમ વખત તેની ઉજવણી કરી હતી.આ દિવસ વિશ્વભરમાં મહિલાઓની સામાજિક, આર્થિક, સાંસ્કૃતિક અને રાજકીય સિદ્ધિઓની ઉજવણી કરે છે. સંયુક્ત રાષ્ટ્ર દ્વારા 1975 માં પ્રથમ વખત આંતરરાષ્ટ્રીય મહિલા દિવસની ઉજવણી કરવામાં આવી હતી. 

આંતરરાષ્ટ્રીય મહિલા દિવસ 2022ના અવસરે ગૂગલે મહિલાઓને સમર્પિત કર્યું ખાસ ડૂડલ

ગૂગલ ડૂડલ આજે એનિમેટેડ સ્લાઇડશો સાથે આંતરરાષ્ટ્રીય મહિલા દિવસની ઉજવણી કરી રહ્યું છે. ગૂગલ ડૂડલ વિવિધ સંસ્કૃતિઓમાં મહિલાઓના રોજિંદા જીવનની ઝલક આપે છે. જેમાં એક સ્ત્રીના તેના જીવનકાળમાં વિવિધ પાત્રોની ભજવણી દર્શાવાઈ છે. જેમાં તે આજની રોજગાર અને પોતાના ઘરને ચાલવામાં મદદ કરતી મહિલાના રૂપો બતાવ્યા છે. શિક્ષણ મેળવી તે મોટરસાઇકલ મિકેનિક, ઇલેક્ટ્રિક એન્જિનિયર અને માળીઓ તરીકેની ભૂમિકાઓમા દર્શાવામાં આવી છે તેની સાથે પાછલા વર્ષોમાં કોવિડ સમયગાળામાં અગ્રણી મહિલા ડોકટરો અને નર્સોને પણ અહીં બતાવવામાં આવ્યા છે. તેની સાથે ગુગલ ડુડલમાં પ્રોફેશનલ ફોટોગ્રાફર અને ફેશન ડિઝાઇનરની પ્રોફાઇલમાં કામ કરતી મહિલાઓને પણ દર્શાવવામાં આવી છે.