જૂનાગઢ જિલ્લા પંચાયત દ્વારા જિલ્લાની ત્રણસો ગ્રામ પંચાયતોને બાયોમેટ્રિક યુનિટ પુરા પાડવામાં આવ્યા

જૂનાગઢ જિલ્લા પંચાયત દ્વારા જિલ્લાની ત્રણસો ગ્રામ પંચાયતોને બાયોમેટ્રિક યુનિટ પુરા પાડવામાં આવ્યા છે, જેને કારણે ગામડામાં વસતા લોકોને અનેક સેવાઓનો લાભ ગ્રામ્ય વિસ્તારમાંથી જ ઉપલબ્ધ થશે અને તેઓનો સમય અને નાણાં  બંનેની બચત થશે.

જિલ્લા વિકાસ અધિકારી મીરાન્ત પરીખે આ સુવિધા અંગે જણાવ્યું હતું કે આ બાયોમેટ્રિક યુનિટ થકી આયુષ્યમાન કાર્ડ અંતર્ગત આરોગ્યલક્ષી સેવા ઉપરાંત આધાર કાર્ડ, પાન  કાર્ડ, ઈ-શ્રમ કાર્ડ સહિતની સુવિધાઓ પણ ગ્રામ્ય સ્તરે જ મળી રહેશે અને ગામડાની જનતાને તાલુકા કે જિલ્લા સુધી નહિ આવવું પડે.

સમગ્ર રાજ્યમાં આ સેવા શરુ કરનાર જૂનાગઢ જિલ્લા પંચાયત સર્વ પ્રથમ હોવાનું પણ તેમને ઉમેર્યું હતું.