દીવમાં વયોશ્રી યોજના હેઠળ વરિષ્ઠ નાગરિકો માટે બે દિવસીય મુલ્યાંકન શિબિરનું આયોજન

કેન્દ્રશાસિત પ્રદેશ દીવમાં રાષ્ટ્રીય વયોશ્રી યોજના હેઠળ વરિષ્ઠ નાગરિકો માટે બે દિવસીય મુલ્યાંકન શિબિરનું આયોજન કરવામાં આવ્યુ હતું. મૂલ્યાંકન શિબિરનું આયોજન સંયુક્તરૂપે દાદરા- નગર હવેલી તેમજ દમણ અને દીવ પ્રશાસન, સમાજ કલ્યાણ વિભાગ-દમણ તેમજ ભારતીય કૃત્રિમ અંગ નિર્માણ નિગમ (એલીમ્કો) દ્વારા કરવામાં આવ્યું હતું. આ શિબિરમાં તજજ્ઞ તબીબોની ટીમ દ્રારા વરિષ્ઠ નાગરિકોની વિવિધ આરોગ્ય સંબંધિત સમસ્યાઓનું નિદાન કરવામાં આવ્યું હતું. શિબિરમાં વરિષ્ઠ નાગરિકો માટે વ્હીલચેર, ટ્રાઈપોડ, ટેટ્રાપોડ, શ્રવણ-યંત્ર, નંબરના ચશ્માં, વોકિંગ સ્ટીક, બૈશાખી વગેરે જેવા સહાયક ઉપકરણો આપવા માટે સુચન કરવામાં આવ્યું હતું.