પશ્ચિમ રેલવેએ 'ડિજિટલ ઇન્ડિયા' પહેલને આગળ વધારી, વાંચો વિગતે

ભારતીય રેલવે પર પ્રથમ વખત અમદાવાદ ડિવિઝનમાં માલભાડા ઓનલાઇન ચુકવણી પ્રણાલી સફળતાપૂર્વક અમલમાં લાગુ

પશ્ચિમ રેલવેએ 'ડિજિટલ ઇન્ડિયા' પહેલને આગળ વધારીને રેલવે વપરાશકર્તાઓના લાભ માટે અનેક આઇટી સુવિધાઓ અમલમાં મૂકી છે. આ પહેલની દિશામાં વધુ એક પગલું ભરતાં પશ્ચિમ રેલવેએ ટીએમએસ પર માલભાડા માટે ઓનલાઇન ચુકવણી પ્રણાલીનો સફળતાપૂર્વક અમલ કરીને વધુ એક સિદ્ધિ હાંસલ કરી છે. આમ પશ્ચિમ રેલવેના અમદાવાદ ડિવિઝન આ સિસ્ટમનો અમલ કરવા માટે ભારતીય રેલવેનું પ્રથમ ડિવિઝન બન્યું છે. 

સુવિધા માટે લેવામાં આવ્યા આ પગલાં 
પશ્ચિમ રેલવેના પશ્ચિમ રેલવેના મુખ્ય જનસંપર્ક અધિકારી સુમિત ઠાકુરે જાહેર કરેલ એક પ્રેસ રિલીઝમાં જણાવ્યા મુજબ રેલવે વપરાશકર્તાઓ માટે સુવિધાઓ માટે આઇટીના ઉપયોગ માટે સંપૂર્ણપણે પ્રતિબદ્ધ છે. રેલવેએ એપ્રિલ 2021માં માલભાડાના ચાર્જની ચુકવણીની પ્રક્રિયાને સરળ, અનુકૂળ, ઝડપી અને પારદર્શક બનાવવા માટે માલભાડા માટે ઓનલાઇન ચુકવણી પ્રણાલી અંગે નીતિગત માર્ગદર્શિકા જારી કરી હતી. 

ટીએમએસ પર માલભાડાની ઓનલાઇન ચુકવણી સુવિધા સફળતાપૂર્વક રજૂ
આ જ દિશામાં પશ્ચિમ રેલવેએ અમદાવાદ ડિવિઝનમાં ટીએમએસ પર માલભાડાની ઓનલાઇન ચુકવણી સુવિધા સફળતાપૂર્વક રજૂ કરી છે, જેને આ પાયલોટ પ્રોજેક્ટ માટે નિયુક્ત કરવામાં આવી હતી. ચુકવણીના આ નવા મોડ સાથે, પ્રથમ વ્યવહાર સફળતાપૂર્વક પૂર્ણ થયો હતો અને એફએફએસ હેઠળ, લિન્ચ સ્ટેશનથી અઝારામાં માલ બુક કરવા માટે કન્સાઇનર એમ/એસ સીટીએ લોજિસ્ટિક્સ લિમિટેડ પાસેથી મળેલી માલ ફી તરીકે રૂ 98649ની રેલવે રસીદ (આરઆર) જાહેર કરવામાં આવી હતી.

આપવામાં આવશે આ બધી સુવિધાઓ 
ઠાકુરે માહિતી આપી હતી કે પેમેન્ટ ગેટવે ઓફ સ્ટેટ બેંક ઓફ ઇન્ડિયા તરફથી એફઓઆઈએસના ફ્રેઇટ બિઝનેસ ડેવલપમેન્ટ (એફબીડી) પોર્ટલ મારફતે ઓનલાઇન પેમેન્ટ સિસ્ટમની વ્યવસ્થા કરવામાં આવશે. તે માલભાડા અને અન્ય તમામ પ્રકારના પેટાચાર્જ જેવા કે વેગન નોંધણી ફી, વિલંબ ચાર્જ, ઘાટ ચાર્જ, સાઇડિંગ ચાર્જ, શન્ટિંગ ચાર્જ, રિબુકિંગ ચાર્જ, ડાયવર્ઝન ચાર્જ વગેરેની સુવિધા આપશે. 

ચોવીસ કલાક ઉપલબ્ધ રહેશે સુવિધાઓ 
આ સુવિધા માલવાહક ગ્રાહકો તેમજ તેના હેન્ડલિંગ એજન્ટો માટે ચોવીસ કલાક ઉપલબ્ધ રહેશે. રેલવે મંત્રાલય અને સ્ટેટ બેંક ઓફ ઇન્ડિયા વચ્ચે 2 જૂન, 2021ના રોજ સમજૂતી કરાર (એમઓયુ) પણ લાગુ કરવામાં આવ્યો છે. આ વ્યવસ્થાની સફળતા સાથે હવે 7 જૂન, 2021થી દેશભરમાં આ કાર્યક્રમ લાગુ કરવાનો નિર્ણય લેવામાં આવ્યો છે. પશ્ચિમ રેલવે વિવિધ તકનીકી અને ડિજિટલ પહેલોના અમલીકરણમાં મોખરે રહ્યું છે અને ટીએમએસ પર માલભાડા માટે ઓનલાઇન ચુકવણી પ્રણાલીનો સફળ અમલ એ આ દિશામાં બીજું ગ્રાહક મૈત્રીપૂર્ણ પગલું છે.