પાટનગરના પક્ષીપ્રેમી પ્રજાજનોને બે હજાર જેટલી પક્ષી પરબનું વિતરણ કરાયું.

ઉનાળાની કાળઝાળ ગરમીની શરૂઆત થતાં જ પાટનગરની વનરાજીમાં વસતાં વિશાળ સંખ્યામાં પક્ષીઓની તરસ બુઝાવવા ગાંધીનગરમાં વિવિધ સેવાભાવી સંસ્થાઓ દ્વારા પક્ષી પરબનું વિતરણ કરવામાં આવે છે.

               ગાંધીનગર ચૌધરી સમાજ દ્વારા પાટનગરમાં વસતાં પક્ષીઓ માટે પક્ષીપ્રેમી પ્રજાજનોએ ભારે ઉત્સાહ બતાવ્યો હતો. ગાંધીનગર ચૌધરી સમાજના પ્રમુખ કનુભાઇ ડી.ચૌધરી જણાવ્યું હતું કે, સમાજના દાતાઓ દ્વારા રૂપિયા ૬૫ હજારની કિંમતના બે હજાર જેટલી પક્ષી પરબનું વિતરણ બીજા તબક્કામાં ઇન્ફોસીટી, રિલાયન્સ ચોકડી, કુડાસણ, પ્રમુખનગર-સરગાસણ તથા સેકટર- ૬ના શોપીંગ સેન્ટર ખાતે પાટનગરના ભાઇ-બહેનોને કરવામાં આવ્યું હતું. આ પ્રસંગે સમાજના ઉપપ્રમુખ ભગુભાઇ ચૌધરી, પર્વ કોર્પોરેટર શંકરભાઇ ચૌધરી, પૂર્વ પ્રમુખ જીતુભાઇ ચૌધરી તથા સમાજના હોદ્દેદારોએ હાજરી આપી કૂંડા વિતરણ કર્યું હતું.