ભાવનગર:ગણપતિ બાપાનો વેક્સિન રથ શરૂ કરવામાં આવ્યો

ભાવનગરમાં ગણપતિ બાપાના રથના કાર્યક્રમમાં લોકો કોરોનાની રસી અવશ્ય લે.- આરોગ્યમંત્રી મનસુખ માંડવીયા

ભાવનગરમાં ગણપતિ બાપાના રથના કાર્યક્રમમાં લોકો કોરોનાની રસી અવશ્ય લે.- આરોગ્યમંત્રી મનસુખ માંડવીયા
કેન્દ્રીય આરોગ્ય અને પરિવાર કલ્યાણમંત્રી મનસુખ માંડવીયાએ અપીલ કરી છે કે,ભાવનગરમાં ગણપતિ બાપાનો વેક્સિન રથ શરૂ કરવામાં આવ્યો છે. ત્યાંથી ગણપતિ બાપાના દર્શન પણ કરી શકાશે અને વેક્સિન પણ લગાવી શકાશે.
અમારા ભાવનગરના પ્રતિનિધિના જણાવ્યા મુજબ ભાવનગરમાં પુરુષાર્થ ફાઉન્ડેશન અને ભાવનગર મહાનગરપાલિકાના સંયુક્ત ઉપક્રમે ગણપતિ વેક્સિન રથ શરૂ કરવામાં આવ્યો છે. 
આ રથ પર સવાર ગણપતિ બાપા લોકોના ઘરે જઈ રહ્યા છે અને જે લોકોને દર્શન આપે છે અને જે લોકોએ હજુ સુધી વેક્સિન નથી લીધી તેમના માટે ગણપતિ રથની સાથે ભાવનગર નિગમ દ્વારા વેક્સિન વાન ચાલી રહી છે, ત્યાંથી વેક્સિન લઈને બાપાના દર્શન કરી શકાય છે. મનસુખ માંડવિયાએ લોકોને અપીલ કરી છે કે, ભાવનગરમાં થઈ રહેલા ગણપતિ રથમાં જેમણે રસી ન લીધી હોય તો તરત જ આ રથમાં રસી લઈ લે અને ગણપતિ બાપાના દર્શન કરીને એક પંથની સાથે બે કામ કરે.