મહિસાગરઃ વર્લ્ડ રેબીસ દિન નિમિત્તે રસીકરણ કેમ્પનું આયોજન

ગુજરાત સરકાર દ્વારા "વર્લ્ડ રેબીસ દિન" નિમિત્તે હડકવા રોગ વિરોધી અભિયાન "વેક્સીનેટ ટુ એલીમીનેટ પ્રોગ્રામ" અંતર્ગત મહિસાગરના લુણાવાડા ખાતે હડકવા વિરોધી રસીકરણ કેમ્પનું આયોજન કરવામાં આવ્યું હતું.

આ અભિયાન દ્વારા હડકવાના વિના મુલ્યે રસીકરણ અને જન જાગૃતિ કાર્યક્રમ દ્વારા "વેક્સીનેટ ટુ એલીમીનેટ પ્રોગ્રામ" ના માધ્યમથી પાલતું ડોગને હડકવા મુક્ત કરવાનો સરકારનો અભિગમ છે. હડકવાની આ બીમારી શ્વાન દ્વારા મનુષ્યમાં ફેલાવાની સંભાવના છે.

ઉપરાંત આ રોગ પશુઓ ઉપરાંત મનુષ્યમાં પણ જીવલેણ નીવડી શકે છે. જેને અટકાવવાના પ્રયાસ રૂપે સરકારનું આ અભિયાન જીવન રક્ષક અભિગમ છે. આ અભિયાન અંતર્ગત મહીસાગર જીલ્લાના પ્રાણી પ્રેમીઓએ, મોટી સંખ્યામાં લાભ લીધો. જેમાં પાલતું ડોગને હડકવા વિરોધી રસીકરણ કરવામાં આવ્યું હતું.