રાજ્યમાં કોરોના વાયરસનો કહેર યથાવત મહિસાગરમાં નવા 15, સુરતમાં 11 નવા કેસો આવ્યાં સામે

રાજ્યમાં કોરોના વાયરસનો કહેર યથાવત છે. પાટણ જિલ્લામાં કોરોના પોઝિટિવ દર્દીનું મોત નીપજયું હોવાની વિગતો સામે આવી છે. તેમજ ચાર નવા કેસ આવ્યા સામેં નોંધાયા છે. તો મહિસાગર જીલ્લામાં એક જ દિવસમાં 15 નવા પોઝિટીવ કેસ મળી આવ્યા છે જિલ્લામાં કુલ કેસની સંખ્યા 68 પર પહોંચી છે. જ્યારે સંક્રમણથી અત્યાર સુધી દૂર રહેલા અમરેલી જિલ્લામાં કોવિડ-19ના બે પોઝિટિવ કેસ નોંધાયા છે. સંક્રમણ અટકાવવા સંભવિત સુપર સ્પ્રેડરમાં માર્કેટિંગ યાર્ડના કર્મીઓ, પોલીસ કર્મી, દૂધ-શાકભાજી વેચનાર, આરોગ્ય કર્મચારીઓ, બેંક-ટેલિફોન કચેરીના સ્ટાફ, હેર સલૂન અને મેડિકલ કર્મીઓનો સમાવેશ થાય છે. તો સુરેન્દ્રનગરના સાયલામાં ત્રણ કેસ મળી આવ્યાં છે. આ ઉપરાંત અરવલ્લી જીલ્લામાં નવા ચાર કેસ નોંધાયા છે. બીજી તરફ ગીર સોમનાથમાં નવ દર્દીઓ સાજા થઇને ઘરે પરત ફર્યા હતાં. સાથો સાથ ગોધરામાં પણ ત્રણ દર્દીઓને રજા અપાઇ હતી.