સુરેન્દ્રનગર: મિશન મંગલમ યોજના અંતર્ગત મહિલા મંડળની બહેનોએ બનાવ્યા માસ્ક
Live TV
-
24-05-2020 | 12:17 pm
Share Now
કોરોના વાયરસના સંક્રમણના કારણે સમગ્ર દેશમાં લોકડાઉન ચાલી રહ્યું છે, તેવા સમયે સુરેન્દ્રનગર જિલ્લાની 540 ગ્રામ પંચાયતો પૈકી 77 ગ્રામ પંચાયતમાં મિશન મંગલમ યોજના અંતર્ગત સખી મંડળની બહેનો દ્વારા આ મહામારીના સમયે લોકોને ઉપયોગી થવાના હેતુસર સ્વખર્ચે માસ્ક બનાવાની કામગીરી હાથ ધરવામાં આવી છે.
જેમાં કુલ 35 ગ્રામ સંગઠન અને 23 સ્વ સહાય જૂથની બહેનો સંકળાયેલી છે. આ બહેનો દ્વારા 55,491 જેટલા માસ્ક સ્વખર્ચે બનાવવામાં આવ્યા છે. આ ઉપરાંત તેમણે 21,300 જેટલા માસ્કનું લોકોને વિનામુલ્યે અર્પણ કરી સેવાકીય પ્રવૃતિ પણ હાથ ધરી છે. તેમજ બાકીના માસ્કનું વેચાણ કરી આ કામગીરી થકી સખી મંડળની આવક પણ મેળવે છે.
