દીવમાં વિજ્ઞાન, ગણિત અને પર્યાવરણ જેવા વિષયોમાં જિલ્લા કક્ષાએ પ્રદર્શન યોજાયું

કેન્દ્ર શાસિત પ્રદેશ દીવમાં  શિક્ષા અભિયાન દ્વારા બાળકોને વિજ્ઞાન, ગણિત અને પર્યાવરણ જેવા વિષયોમાં વધુ રસ પડે તે હેતુથી ધોરણ છ થી બારના વિદ્યાર્થીઓ માટે  જિલ્લા કક્ષાએ પ્રદર્શન યોજવામાં આવ્યું

કેન્દ્ર શાસિત પ્રદેશ દીવમાં  શિક્ષા અભિયાન દ્વારા બાળકોને વિજ્ઞાન, ગણિત અને પર્યાવરણ જેવા વિષયોમાં વધુ રસ પડે તે હેતુથી ધોરણ છ થી બારના વિદ્યાર્થીઓ માટે  જિલ્લા કક્ષાએ પ્રદર્શન યોજવામાં આવ્યું હતું. આ પ્રદર્શનમાં 24 શાળાના વિદ્યાર્થીઓએ  કુલ 48 જેટલા જુદા-જુદા વિષયોના પ્રયોગો સાથે પ્રદર્શન ગોઠવવામાં આવ્યું હતું. આ પ્રદર્શન રાષ્ટ્રીય આવિષ્કાર અભિયાન અંતર્ગત  સર્વ શિક્ષા અભિયાન દ્વારા યોજવામાં આવ્યું હતું. આ પ્રદર્શનીમાં પ્રથમ ક્રમ પ્રાપ્ત કરેલ વિદ્યાર્થી ટીમ  આગામી વર્ષે જવાહરલાલ નેહરૂ વિજ્ઞાન ગણિત અને પર્યાવરણ નામક રાષ્ટ્રીય કક્ષાના પ્રદર્શનમાં ભાગ લેશે. આ પ્રદર્શનમાં ભાગ લેનાર બાળ વૈજ્ઞાનિકોને રોકડ ઈનામ આપી પ્રોત્સાહિત કરવામાં આવ્યાં હતા. આ પ્રસંગે દીવ જિલ્લાના ડેપ્યુટી કલેક્ટર ડોક્ટર અપૂર્વ શર્મા  તેમજ દીવના ઉપપ્રમુખ મનસુખભાઈ પટેલ ઉપસ્થિત રહ્યા હતા.