14 જુલાઈ બપોરે 2:35 સમયે શ્રી હરિકોટાના સતીશ ધવન સ્પેસ સેન્ટર ખાતેથી થશે ચંદ્રયાન-3નું પ્રક્ષેપણ

અત્યાધુનિક સાધનોનો ઉપયોગ

ચંદ્રયાન-3 મિશનમાં દેશમાં બનેલા લેન્ડર મોડ્યુલ, પ્રોપલ્શન મોડ્યુલ અને રોવરનો ઉપયોગ કરવામાં આવી રહ્યો છે. તેનો મુખ્ય હેતુ આવી ફ્લાઈટ્સ માટે જરૂરી ટેકનોલોજીકલ એડવાન્સિસ લોકોને બતાવવા અને લાવવાનો છે. આ વખતે લેન્ડર સોફ્ટ લેન્ડિંગની ક્ષમતા ધરાવે છે. તેમાં રોવરને ચંદ્ર પર ચોક્કસ સ્થાન પર ઉતારવાની ક્ષમતા છે. તેના દ્વારા ચંદ્રની સપાટીનું રાસાયણિક પરીક્ષણ કરી શકાય છે. લેન્ડર અને રોવર અત્યાધુનિક સાધનોથી સજ્જ છે જેના દ્વારા તેઓ ચંદ્રની સપાટી પર જરૂરી ડેટા એકત્રિત કરશે.

ચંદ્રયાન-3 ના પ્રક્ષેપણ માટે મહત્વપૂર્ણ ઉપકરણો

લોંચ વ્હીકલ માર્ક-III (LVM-3),નો ઉપયોગ આ વખતે ચંદ્રયાન-3ના પ્રક્ષેપણમાં કરવામાં આવશે. છેલ્લા મિશનમાં GSLV Mk-III નો ઉપયોગ કરવામાં આવ્યો હતો. ચંદ્રયાન-3 મિશન શ્રીહરિકોટાના સતીશ ધવન સ્પેસ સેન્ટરથી લોન્ચ કરવામાં આવશે. લેન્ડર અને રોવરને પ્રોપલ્શન મોડ્યુલ દ્વારા મોકલવામાં આવશે, જે ચંદ્રની ભ્રમણકક્ષાથી 100 કિલોમીટર સુધી જશે.

ચંદ્રયાન-2 મિશનમાં ટેક્નિકલ ખામી સર્જાઈ હતી

ચંદ્રયાન-2ને 2019 માં ચંદ્રની ભ્રમણકક્ષામાં સફળતાપૂર્વક મૂકવામાં આવ્યું હતું પરંતુ તેના લેન્ડર વિક્રમનું હાર્ડ લેન્ડિંગ થયું હતું અને તે તેની ભ્રમણકક્ષામાંથી ભટકી ગયું હતું. 6 સપ્ટેમ્બર 2019 ના રોજ આ લેન્ડિંગ દરમિયાન, સોફ્ટવેરમાં ખામીને કારણે આ મિશન સફળ થઈ શક્યું નહીં. ચંદ્રયાન-2 જે હાંસલ કરી શક્યું નથી, તે ચંદ્રયાન-3 દ્વારા હાંસલ કરવાનો પ્રયાસ કરવામાં આવશે.