આજે ક્રિકેટ વિશ્વકપ 2023માં બે મેચ રમાશે

આજે વિશ્વકપ 2023માં બે મેચ રમાશે. આ મેચ પુણેના મહારાષ્ટ્ર ક્રિકેટ એસોસિએશન સ્ટેડિયમમાં સવારે 10.30 વાગ્યાથી રમાશે. દિવસની બીજી મેચમાં પાકિસ્તાન કોલકાતામાં ડિફેન્ડિંગ ચેમ્પિયન ઈંગ્લેન્ડ સામે ટકરાશે. પાકિસ્તાન અને ઈંગ્લેન્ડની ટીમો કોલકાતાના ઈડન ગાર્ડન્સ સ્ટેડિયમમાં બપોરે 2:00 વાગ્યાથી ટકરાશે.  પાકિસ્તાનને ઈંગ્લેન્ડ સામે મોટી જીતની જરૂર છે. સેમીફાઈનલ માટે ત્રણ ટીમો નક્કી થઈ ગઈ છે પરંતુ ચોથી ટીમ કોણ હશે તે પાકિસ્તાન અને ઈંગ્લેન્ડની મેચમાં નક્કી થશે. 

ઓસ્ટ્રેલિયાએ તેની છેલ્લી મેચમાં અફઘાનિસ્તાનને 3 વિકેટે હરાવીને રોમાંચક જીત નોંધાવી હતી. કાંગારૂ ઓલરાઉન્ડર ગ્લેન મેક્સવેલે અફઘાનિસ્તાન સામે અવિશ્વસનીય ઇનિંગ રમી હતી. તે મેચમાં મેક્સવેલે 201 રનની અણનમ ઇનિંગ રમીને અફઘાનિસ્તાનના જડબામાંથી વિજય છીનવી લીધો હતો.

તેની છેલ્લી લીગ મેચમાં પાકિસ્તાનની ટીમ ઈંગ્લેન્ડ સામે ટકરાશે, જે સેમીફાઈનલની રેસમાંથી બહાર છે. પાકિસ્તાન 4 જીતથી 8 પોઈન્ટ સાથે પોઈન્ટ ટેબલમાં પાંચમા સ્થાને છે જ્યારે ઈંગ્લેન્ડ 6 પોઈન્ટ સાથે સાતમા સ્થાને છે. ઓસ્ટ્રેલિયા 12 પોઈન્ટ સાથે સેમીફાઈનલમાં પહોંચી ગયું છે જ્યાં તેનો સામનો દક્ષિણ આફ્રિકા સાથે થશે. સેમીફાઈનલમાં ભારતીય ટીમ કઈ ટીમનો સામનો કરશે તે અંગેનો નિર્ણય આજે લેવામાં આવશે.