એફ.આઇ.એચ. હોકી પ્રો લીગમાં ભારતીય પુરૂષ હોકી ટીમે જર્મનીને હરાવી શાનદાર જીત મેળવી

એફ.આઇ.એચ. હોકી પ્રો લીગમાં ભારતીય પુરૂષ હોકી ટીમે શાનદાર પ્રદર્શન કરીને ગુરૂવારે  જર્મનીને હરાવ્યું હતું. ભારતીય હોકી ટીમના વાઇસ કેપ્ટન હરમનપ્રિત સિંગના બે ગોલની મદદથી જર્મની સામે પ્રથમ મેચમાં 3-0 થી જીત મેળવી હતી. હરમનપ્રિતે 18મી અને 27મી મિનિટે પેનેલ્ટી કોર્નરની મદદથી ગોલ ફટકાર્યો હતો. જ્યારે અભિષેકે 45મી મિનિટે ગોલ કર્યો હતો. 

ભારતે આ ટુર્નામેન્ટમાં સારી શરૂઆત કરી છે. જોકે પ્રથમ ક્વાટરમાં કોઇપણ ટીમ ગોલ કરી શકી ન હતી. બીજા ક્વાટરમાં ભારતના હરમને 18મી મિનિટે ગોલ ફટકાર્યો હતો. હાફ ટાઇમની ત્રણ મિનિટ પહેલા હરમને બીજો ગોલ ફટકાર્યો હતો. બીજા હાફમાં હરમનપ્રિતના વેરિયેશન પર અભિષેકે ગોલ કરીને સ્કોર 3-0 કર્યો હતો. જર્મનીને મેચમાં આઠ પેનેલ્ટી કોર્નરની તક મળી હતી જોકે તેમના ખેલાડીઓ એક પણ ગોલ કરી શક્યા નહોતા. આ મેચમાં જીત બાદ ભારત ટોચ પર પહોચી ગયું છે. જ્યારે જર્મની બીજા ક્રમે છે. બન્ને ટીમો આજે તેની બીજી મેચ રમશે.