ભારતીય મહિલા ક્રિકેટ ટીમનો દબદબો યથાવત

વડોદરામાં રમાયેલી બીજી વન ડેમાં દક્ષિણ આફ્રિકા સામે ભારતીય મહિલા ટીમનો 5 વિકેટે વિજય

વડોદરાનાં રિલાયન્સ ક્રિકેટ સ્ટેડિયમમાં રમાયેલી બીજી વન ડે મેચમાં ભારતીય મહિલા ક્રિકેટ ટીમે દક્ષિણ આફ્રિકા સામે શાનદાર જીત મેળવી હતી. બીજી વન ડેમાં 5 વિકેટે જીત સાથે જ ભારતીય મહિલા ટીમે 3 વન ડેની સીરિઝમાં 2-0ની અવિજીત સરસાઈ મેળવી લીધી છે. પ્રથમ બેટિંગ કરતા આફ્રિકન ટીમે નિર્ધારિત 50 ઓવરમાં 6 વિકેટે 247 રન નોંધાવ્યા હતા...જેના જવાબમાં ભારતીય ટીમે 5 વિકેટે 248 રન નોંધાવીને જીત મેળવી લીધી હતી.ભારતીય ટીમનું શરૂઆત સામાન્ય રહી હતી..66 રને 2 વિકેટ પડી ગઈ હતી..પરંતુ ત્યારબાદ રમતમાં ઉતરેલી પુનમ રાઉત અને કેપ્ટન મિતાલી રાજે  બાજી સંભાળી લીધી હતી અને ત્રીજી વિકેટ માટે સદીની ભાગીદારી કરી જીતનો પાયો નાંખી દીધો હતો.મિતાલીએ 66 રન અને પુનમ રાઉત 65 રન બનાવીને આઉટ થયા હતા.ત્યારબાદ હરમનપ્રીત કૌરે શાનદાર બેટિંગ દ્વારા ભારતીય ટીમને જીત અપાવી હતી....