મહિલા એશિયા કપ ક્રિકેટની ફાઇનલમાં આજે ભારત અને શ્રીલંકા વચ્ચે થશે ટક્કર

ભારત સેમિફાઈનલમાં થાઈલેન્ડને હરાવી ફાઇનલમાં પહોંચ્યું હતું.

આજે ભારત અને શ્રીલંકા વચ્ચે મહિલા ક્રિકેટ એશિયા કપની ફાઈનલ રમાશે. બાંગ્લાદેશના સિલ્હટ ઈન્ટરનેશનલ ક્રિકેટ સ્ટેડિયમમાં ભારતીય સમય અનુસાર બપોરે એક વાગે આ મેચ શરૂ થશે. ભારત અને શ્રીલંકાની ટીમ મહિલા  એશિયાકપની ફાઈનલમાં પાંચમી વાર ટકરાશે. ભારતીય ટીમનું નેતૃત્વ હરમનપ્રીત કૌર કરશે. ભારતની ટીમ અત્યાર સુધી 6 વખત એશિયાઈ ચેમ્પિયન બની છે. આ પહેલા ભારત સેમિફાઈનલમાં થાઈલેન્ડને હરાવી ફાઇનલમાં પહોંચ્યું હતું. ભારતીય ટીમના 149 રનના લક્ષ્યાંક સામે થાઈલેન્ડની ટીમ 20 ઓવરમાં 9 વિકેટ ગુમાવીને માત્ર 74 રન બનાવી શકી હતી.તો બીજી સેમીફાઈનલમાં શ્રીલંકાએ પાકિસ્તાનને રોમાંચક મુકાબલામાં 1 રનથી પરાજય આપ્યો હતો.