હોકી વર્લ્ડકપ 2023માં ભારતીય હોકી ટીમને ન્યુઝીલેન્ડ સામે હારનો સામનો કરવો પડયો

હોકી વર્લ્ડકપ 2023માં ભારતીય હોકી ટીમને ન્યુઝીલેન્ડ સામે હારનો સામનો કરવો પડયો છે .આ હાર સાથે ભારત ટુર્નામેન્ટમાંથી બહાર થઈ ગયું છે. રવિવારે રાત્રે થયેલા રોમાચંક મુકાબલામાં બંન્ને ટીમો 3-3ની બરાબરી પર હતી. જે બાદ મુકાબલો પેનલ્ટી શુટઆઉટમાં પહોંચ્યો હતો. જેમાં ન્યુઝીલેન્ડ 5-4થી જીતી ગયુ હતું. ભારતીય ટીમના ગોલ કીપર પી.આર શ્રીજેશ અને કૃષ્ણપાઠકે પેનલ્ટી શુટઆઉટમાં કુલ ચાર વખત ગોલ રોકયા હતા. તેમ છતા પણ ભારતીય ટીમને જીત હાંસલ ન થઈ શકી. આ સાથે મેજબાન ભારતનું સ્વપ્ન પૂર્ણ થયું. ન્યુઝિલેન્ડ સામે હારીને ભારતીય ટીમ ટુર્નામેન્ટમાંથી બહાર થઈ ગઈ છે. ક્વાર્ટર ફાઈલનમાં હવે ન્યુઝીલેન્ડનો મુકાબલો ગત વખતની ચેમ્પિયન બેલ્જિયમ સામે થશે.