12 વર્ષના અભિમન્યુ મિશ્રાએ સૌથી નાની ઉંમરમાં ચેસનો ગ્રાન્ડ માસ્ટર બનીને રચ્યો ઈતિહાસ

ચેસની રમતમાં અભિમન્યુ મિશ્રાએ ઈતિહાસ રચી દિધો છે. 12 વર્ષના અભિમન્યુએ સૌથી નાની ઉંમરમાં ચેસનો ગ્રાન્ડ માસ્ટર બનવાનો રેકોર્ડ બનાવ્યો છે.

ચેસની રમતમાં અભિમન્યુ મિશ્રાએ ઈતિહાસ રચી દિધો છે. 12 વર્ષના અભિમન્યુએ સૌથી નાની ઉંમરમાં ચેસનો ગ્રાન્ડ માસ્ટર બનવાનો રેકોર્ડ બનાવ્યો છે. આ પહેલાં આ રેકોર્ડ 12 વર્ષ અને 7 મહિનાની ઉંમરના સેરગે કર્જાકિને 2002ના વર્ષમાં બનાવ્યો હતો.

અભિમન્યુએ સૌથી નાની ઉંમરમાં ગ્રાન્ડ માસ્ટર બનવાનો આ રેકોર્ડ પોતાની 12 વર્ષ, 4 મહિના અને 24 દિવસની ઉંમરમાં બનાવી લીધો છે.

ન્યુ જર્સીમાં રહેતા અને મુળ ભારતના અભિમન્યુએ બુડાપેસ્ટમાં આયોજીત આ ગેમમાં પોતાનું ત્રીજું ગ્રાન્ડ માસ્ટર મેળવ્યું છે. ગ્રાન્ડ માસ્ટર માટે જરુરી 2500 ELO રેટિંગ અભિમન્યુએ પહેલાં જ મેળવી લીધું હતું. અભિમન્યુએ આ જીત 15 વર્ષના ભારતીય ગ્રાન્ડ માસ્ટર લીઓન લ્યુક મેંડોંકાને હરાવીને મળવી છે. અભિમન્યુએ સતત 9 રાઉન્ડ સુધી પોતાની ગેમ સારી રીતે રમીને 2600થી વધુ પોઈન્ટ મેળવ્યા હતા જે ગ્રાન્ડ માસ્ટરના નિયમો પ્રમાણે હતું.