IPL 2026: ન તો LSGને જીતનો ફાયદો થયો, ન તો RCBને હારનું નુકસાન, પોઈન્ટ ટેબલમાં કોઈ ફેરફાર નહીં

IPL 2026 માં ગુરુવારે(7 મે) સાંજે ઇકાના ક્રિકેટ સ્ટેડિયમ ખાતે લખનઉ સુપર જાયન્ટ્સ(LSG) અને રોયલ ચેલેન્જર્સ બેંગલુરુ(RCB) વચ્ચે રોમાંચક મુકાબલો ખેલાયો હતો. ડકવર્થ લુઈસ(DLS) નિયમ મુજબ LSGએ આ મેચ 9 રને જીતી લીધી હતી. આ જીત સાથે LSGએ સતત 6 હારના ક્રમનો અંત લાવ્યો છે. જોકે, LSGની જીત અને RCBની હાર છતાં પોઈન્ટ ટેબલ પર કોઈ ખાસ અસર જોવા મળી નથી.

વરસાદથી પ્રભાવિત આ મેચમાં RCBએ ટોસ જીતીને પ્રથમ બોલિંગ કરવાનો નિર્ણય લીધો હતો. LSGએ મિશેલ માર્શના 56 બોલમાં 111 રનની તોફાની ઈનિંગની મદદથી 19 ઓવરમાં 3 વિકેટે 209 રન બનાવ્યા હતા. DLS નિયમ મુજબ RCBને 19 ઓવરમાં 213 રનનો લક્ષ્યાંક આપવામાં આવ્યો હતો, પરંતુ ટીમ 6 વિકેટે 203 રન જ બનાવી શકી અને 9 રને મેચ હારી ગઈ.

પોઈન્ટ ટેબલની વર્તમાન સ્થિતિ:
SRH: 11 મેચમાં 7 જીત સાથે 14 પોઈન્ટ (પ્રથમ સ્થાન)
PBKS: 10 મેચમાં 13 પોઈન્ટ (બીજું સ્થાન)
RCB: 10 મેચમાં 12 પોઈન્ટ (ત્રીજું સ્થાન)
RR: 10 મેચમાં 12 પોઈન્ટ (ચોથું સ્થાન)
GT: 10 મેચમાં 12 પોઈન્ટ (પાંચમું સ્થાન)
CSK: 10 મેચમાં 10 પોઈન્ટ (છઠ્ઠું સ્થાન)
DC: 10 મેચમાં 8 પોઈન્ટ (સાતમું સ્થાન)
KKR: 9 મેચમાં 7 પોઈન્ટ (આઠમું સ્થાન)
MI: 10 મેચમાં 6 પોઈન્ટ (નવમું સ્થાન)
LSG: 10 મેચમાં 6 પોઈન્ટ (દસમું સ્થાન)

સરખા પોઈન્ટ હોવા છતાં નેટ રન રેટના કારણે ટીમોના રેન્કિંગમાં તફાવત છે.

ઓરેન્જ અને પર્પલ કેપ:
મેચ બાદ પણ ઓરેન્જ કેપ SRHના બેટ્સમેન હેનરિક ક્લાસેન પાસે જ છે, જેણે 11 ઇનિંગ્સમાં 494 રન બનાવ્યા છે. જ્યારે પર્પલ કેપ RCBના ફાસ્ટ બોલર ભુવનેશ્વર કુમાર પાસે છે, જેણે 10 મેચમાં 17 વિકેટ ઝડપી છે.