WPL: સ્મૃતિ, હરમનપ્રીત અને શેફાલી સહિતના ખેલાડીઓ માટે લાગી શકે છે મોટી બોલી

વિમેન્સ પ્રીમિયર લીગ (WPL)ની પ્રથમ સિઝન માટે ખેલાડીઓની હરાજી સોમવારે મુંબઈમાં યોજાશે. BCCI પહેલીવાર IPLની આ ટુર્નામેન્ટનું આયોજન કરશે, જે 4 થી 26 માર્ચ દરમિયાન રમાશે.

મુંબઈમાં યોજાનારી હરાજીમાં કુલ 448 ખેલાડીઓની હરાજી કરવામાં આવશે, જેમાંથી 90 ખેલાડીઓને પાંચ ટીમો તેમની સાથે જોડશે. 24 ખેલાડીઓની મૂળ  કિંમત 50 લાખ રાખવામાં આવી છે જ્યારે 30 ખેલાડીઓની મૂળ કિંમત 30 લાખ રૂપિયા રાખવામાં આવી છે.

મહિલા પ્રીમિયર લીગની ખેલાડીઓની હરાજી મુંબઈમાં થશે. ભારતની સ્મૃતિ મંધાના, હરમનપ્રીત કૌર, શેફાલી વર્મા, દીપ્તિ શર્મા ઉપરાંત ટીમો ઓસ્ટ્રેલિયા અને ઈંગ્લેન્ડના ક્રિકેટરો પર મોટી રકમ ખર્ચી શકે છે. સ્મૃતિ ફ્રેન્ચાઇઝી ક્રિકેટનો મોટો ચહેરો છે અને તેની પાસે નેતૃત્વ કરવાની ક્ષમતા છે.

તે જ સમયે, ટીમો યુવા શેફાલી વર્મા પર પણ મોટી બોલી લગાવી શકે છે, જેણે તેની કેપ્ટનશિપ હેઠળ ભારતને અંડર-19 T20 વર્લ્ડ કપ જીતાડ્યો હતો. શેફાલી તેની શાનદાર બેટિંગ માટે જાણીતી છે. આ સાથે જ ઓસ્ટ્રેલિયાની એલિસા હીલી પાસે વધુ છગ્ગા મારવાની ક્ષમતા ધરાવે છે. તે વિકેટકીપિંગ પણ કરે છે, તેથી ઘણી ટીમો તેને પોતાની ટીમમાં સામેલ કરવા માંગે છે.

દિલ્હી કેપિટલ્સ, મુંબઈ ઈન્ડિયન્સ, યુપી વોરિયર્સ, રોયલ ચેલેન્જર્સ બેંગ્લોર, ગુજરાત જાયન્ટ્સ આ ટીમો માટે બોલી લગાવશે.