ગુજરાતમાં કોરોના વાયરસના 10 નવા કેસ, કુલ પોઝીટીવ કેસની સંખ્યા 105 પર પહોચી

80 વર્ષીય મહિલા દર્દી કોરોના સામેની જંગ જીત્યા

ગુજરાતમાં કોરોના મહામારીના કેસ વધતા જઈ રહ્યા છે..છે. આજરોજ કોરોનાની અપડેટ વિગતો આપતા આરોગ્ય અગ્ર સચિવ જયંતિ રવિએ જણાવ્યું છેકે, રાજ્યમાં આજે 10 નવા પોઝિટિવ કેસ નોંધાયા છે. જેમાં બે ગાંધીનગર, બે ભાવનગર, એક પાટણ અને પાંચ કેસ અમદાવાદમાં નોંધાયા છે. આ તમામ કેસો મોટાભાગે લોકલ ટ્રાન્સમિશનના છે. આ સાથે જ રાજ્યમાં કુલ 105 પોઝિટિવ કેસો થયા છે. જ્યારે ચાર પોઝિટિવ દર્દીઓ સાજા થઇ જતાં તેમને ડિસ્ચાર્જ કરવામાં આવ્યા છે. જેમાં ગાંધીનગરમાં એક 80 વર્ષીય મહિલા પણ છે. જે કોરોના સામેનો જંગ જીતી ગયા છે.  આજે કોરોનાથી એક વ્યક્તિનું મોત નીપજ્યું છે. આ સાથે જ કુલ મૃત્યાંક 10એ પહોંચ્યો છે.

ગુજરાતમાં કુલ 105 પોઝિટિવ કેસ, 10ના મોત

શહેર                પોઝિટિવ કેસ    મોત
અમદાવાદ             41           04
સુરત                     12           01
ગાંધીનગર             13           00
રાજકોટ                  10           00
વડોદરા                  09          01
ભાવનગર               09          02
પોરબંદર                03          00
ગીર-સોમનાથ        02            00
કચ્છ                     01            00
મહેસાણા               01           00
પંચમહાલ             01           01
પાટણ                  01          00

કુલ આંકડો    105    09