તોબર ગામના જવાનનું સેનામાં ફરજ દરમિયાન નિધન, ગાર્ડ ઓફ ઓનર સાથે આખરી વિદાય

જવાનનો પરિવાર પોરબંદરના ખંભાત અંભાળા ગામે રહેતો હોવાથી તેમના પાર્થિવ દેહને ગાર્ડ ઓફ ઓનર આપી આખરી સલામી આપવામાં આવી હતી. તેમને શ્રદ્ધાંજલિ આપવા માટે મોટી સંખ્યામાં આસપાસના ગામડાના લોકો ઉમટ્યા હતા.

દ્વારકા પાસે આલેલા તોબર ગામના એક જવાનનું ફરજ દરમિયાન નિધન થતાં, તેમના પાર્થિવ દેહને વતને ગાર્ડ ઓફ ઓનર આપી આખરી વિદાય આપવામાં આવી છે. તોબાર ગામના નિવાસી ટપુભા કરાભા મકવણા ભારતીય સેનામાં ફરજ બજાવતા હતા. ફરજ દરમિયાન તેમની તબિયત અચાનક લથડી હતી અને તેમને સારવાર અર્થે હોસ્પિટલમાં દાખલ કરાયા હતા. હોસ્પિટલમાં તેમની સારવાર કરાઇ હતી, જો કે 28 ફેબ્રુઆરીએ તેમનું નિધન થતાં ગામમાં શોકનું મોજુ પ્રસરી ગયું છે.

ટપુભાના નિધન બાદ તેમના પાર્થિવ દેહને વતનમાં લાવવામાં આવ્યો હતો, અને ગાર્ડ ઓફ ઓનર આપી અંતિમ ક્રિયા કરાઈ હતી.