લોકરક્ષક ભરતી બોર્ડમાં 20% વેઈટિંગ લિસ્ટ બનાવવાનો રાજ્ય સરકારનો નિર્ણય 

ગૃહ રાજ્ય મંત્રીશ્રી પ્રદિપસિંહ જાડેજાએ જણાવ્યું છે કે, લોક રક્ષક ભરતી બોર્ડ દ્વારા લેવાયેલ વિવિધ સંવર્ગોની ભરતીઓમાં ૨૦ ટકા વેઇટીંગ લીસ્ટ બનાવવાનો રાજ્ય સરકારે મહત્વનો નિર્ણય કર્યો છે. 

▪લોકરક્ષક ભરતી બોર્ડ દ્વારા લેવાયેલ વિવિધ ભરતીઓમાં ૨૦ ટકા વેઇટીંગ લીસ્ટ બનાવવામાં આવશે : ગૃહ મંત્રી શ્રી પ્રદિપસિંહ જાડેજા
▪સામાન્ય વહીવટ વિભાગના પ્રવર્તમાન નિયમોમાં છૂટછાટ આપીને ખાસ કિસ્સામાં ભરતીની છૂટ આપતાં મુખ્યમંત્રી શ્રી વિજયભાઇ રૂપાણી
▪રાજ્ય સરકારે છેલ્લા પાંચ વર્ષમાં ૧.૨૦ લાખ યુવાનોને સરકારી નોકરી આપી
▪ગહ વિભાગ દ્વારા છેલ્લા ૧૧ વર્ષમાં ૬૭ હજારથી વધુ યુવાનોને સરકારી સેવામાં જોડ્યા

વધુમાં તેમણે ઉમેર્યું હતું કે,  સામાન્ય વહીવટ વિભાગની પ્રવર્તમાન સૂચનાઓ મુજબ કોઇ એક જ સંવર્ગ માટે પરીક્ષાઓ યોજાતી હોય માત્ર તેવા પ્રસંગોએ જ અત્યાર સુધી વેઇટીંગ લીસ્ટ બનાવવામાં આવતું હોય છે. પરંતુ, લોકરક્ષક ભરતી બોર્ડ દ્વારા લેવાયેલ પરીક્ષામાં એક થી વધુ સંવર્ગની ભરતી પ્રક્રિયા હાથ ધરાઇ હતી. 

જેથી લોકરક્ષક ભરતી બોર્ડ દ્વારા જાન્યુઆરી - ૨૦૧૯માં લેવાયેલ પરીક્ષાનું વેઇટીંગ લીસ્ટ બનાવવામાં આવેલ ન હતું. આ બાબતે મુખ્યમંત્રી શ્રી વિજયભાઇ રૂપાણીને રજૂઆતો થતા રાજ્યના સંવેદનશીલ મુખ્યમંત્રી શ્રી વિજયભાઇ રૂપાણીએ યુવાનોને સરકારી સેવામાં તક મળે એ માટે આવા નિયમોમાંથી છૂટછાટ આપીને ગૃહ વિભાગ દ્વારા લેવાયેલ આ પરીક્ષામાં ખાસ કિસ્સામાં આ વેઇટીંગ લીસ્ટ બનાવવાનો રાજ્ય સરકારે નિર્ણય કર્યો છે.