સ્વ-સહાયજૂથો અને તાલીમાર્થીઓને સ્વરોજગાર માટે રૂપિયા 8.92 લાખના ચેકોનું વિતરણ કરાયું

ભારત સરકારના ગ્રામ વિકાસ વિભાગના રૂરલ સેલ્ફ એમ્પ્લોઇમેન્ટ નેશનલ ડાયરેક્ટર કે. એન. જનાર્દનની ઉપસ્થિતિમાં બરોડા સ્વરોજગાર વિકાસ સંસ્થાન દ્વારા સ્વ-સહાયજૂથો અને તાલીમાર્થીઓને સ્વરોજગાર માટે રૂપિયા 8.92 લાખના ચેકોનું વિતરણ કરવામાં આવ્યું. જેને અંતર્ગત નવસારી જિલ્લામાં સ્વ-સહાયજૂથો અને BPL પરિવારોને સ્વરોજગારી મળી શકે તે માટે વિવિધ તાલીમો યોજવામાં આવી છે. ગ્રામ વિકાસ એજન્સી દ્વારા 208 જેટલા તાલીમ વર્ગો યોજી 6 હજાર 193 મહિલાઓને તાલીમ આપવામાં આવી હતી. જેમાં 4 હજાર 27 જેટલી બહેનો સ્વરોજગાર મેળવી રહી છે. આર્થિક ઉપાર્જન મેળવવા બહેનોને લોન-સહાય આપવામાં આવે છે, જે દ્વારા તેઓ વધુ ને વધુ આવક મેળવી શકે.