આગામી 5 જાન્યુઆરીએ રાજ્યોના મંત્રીઓની બે દિવસીય અખિલ ભારતીય પરિષદનું કેન્દ્રીય જળ શક્તિ મંત્રાલય દ્વારા કરાયું આયોજન

કેન્દ્રીય જળ શક્તિ મંત્રાલય દ્વારા રાજ્યોના મંત્રીઓની બે દિવસીય અખિલ ભારતીય પરિષદનું પાંચ જાન્યુઆરીએ આયોજન કર્યું છે. મધ્યપ્રદેશની રાજધાની ભોપાલમાં આયોજિત આ સંમેલનમાં જળશક્તિ દ્રષ્ટિકોણ @ 2047 મુખ્ય વિષયવસ્તુ છે. ભોપાલમાં મીડિયા સાથે વાત કરતાં, જળ શક્તિ રાજ્ય મંત્રી પ્રહલાદ સિંહ પટેલે જણાવ્યું કે કેન્દ્રીય જળ શક્તિ મંત્રી ગજેન્દ્ર સિંહ શેખાવત સંમેલનનું ઉદ્ઘાટન કરશે. આ સંમેલનમાં મધ્યપ્રદેશના મુખ્યમંત્રી શિવરાજ સિંહ ચૌહાણ અને તમામ રાજ્યોના મંત્રીઓ ભાગ લેશે.
પાણીના વિષય પર આ પ્રકારની આ પ્રથમ રાષ્ટ્રીય પરિષદ છે. તેનો મુખ્ય ઉદ્દેશ્ય રાજ્ય પાસેથી આ અંગે પ્રતિભાવ મેળવવાનો અને મંત્રાલયની યોજનાઓ તેમની સાથે રજુ કરવાનો છે.