આસામમાં 80 વર્ષથી વધુ ઉંમર ધરાવતા વૃદ્ધો પોસ્ટલ બેલેટ દ્વારા કરી શકશે મતાધિકારનો ઉપયોગ 

આસામમાં ચૂંટણીપંચની એક અનોખી પહેલ

આસામ ચૂંટણીને લઈને ચૂંટણીપંચે એક અનોખી પહેલ કરી છે. આ વખતે 80 વર્ષ કે તેનાથી વધુ ઉંમર ધરાવતા મતદારો પોસ્ટલ બેલેટના માધ્યમથી ઘરે બેઠા જ વોટ કરી શકશે. 

શું હોય છે પોસ્ટલ બેલેટ? 

જેવું કે તેના નામ પરથી જ સ્પષ્ટ થઈ જાય છે કે પોસ્ટલ બેલેટ એક ટપાલ મત પત્ર હોય છે. તે 1980ના દશકમાં ચાલતા પેપર્સ બેલેટ પેપરના જેવું જ હોય છે. ચૂંટણીમાં તેનો ઉપયોગ એ લોકો દ્વારા કરવામાં આવે છે જે લોકો પોતાની નોકરીના કારણે પોતાના મત ક્ષેત્રમાં મતદાન કરવા ન જઈ શકતા હોય. જ્યારે આ લોકો પોસ્ટલ બેલેટની મદદથી વોટ આપે છે તો તેમને સર્વિસ વોટર્સ અથવા એબસન્ટ વોટર્સ પણ કહેવામાં આવે છે. 

પરંતુ આ વખતે આસામમાં ચૂંટણીપંચે પોસ્ટર બેલેટ દ્વારા  80 વર્ષ કે તેનાથી વધુ ઉંમર ધરાવતા મતદારો ઘરે બેઠા મત આપી શકે તે માટે તેનો ઉપયોગ કરવાને મંજૂરી આપી છે.