કાશ્મીરના બડગામ જિલ્લામાં લશ્કર-એ-તોઇબાનો એક ત્રાસવાદી ઠાર 

મધ્ય કાશ્મીરના બડગામ જિલ્લામાં લશ્કર-એ-તોઇબાનો એક ત્રાસવાદી ઠાર મરાયો હોવાનું પોલીસે જણાવ્યું હતું. ત્રાસવાદીની ઓળખ શફત હુસૈન વાણી તરીકે થઈ છે જે બારામુલ્લા જિલ્લાના વગુરા વિસ્તારનો નિવાસી હતો.

મધ્ય કાશ્મીરના બડગામ જિલ્લામાં લશ્કર-એ-તોઇબાનો એક ત્રાસવાદી ઠાર મરાયો હોવાનું પોલીસે જણાવ્યું હતું. આ વિસ્તારમાં ત્રાસવાદીઓની છૂપાયા હોવાની ચોક્કસ બાતમી મળતાં, સુરક્ષા દળોએ જિલ્લાના બીરવાહ વિસ્તારના અરિઝાલમાં ખાન મોહલ્લામાં રાત્રે ઘેરાબંધી કરીને શોધ ખોળ ચાલુ કરી હતી. તે દરમિયાન એક ત્રાસવાદી એક ઘરમાંથી બહાર આવીને નાસવાનો પ્રયાસ કર્યો હતો અને સુરક્ષા દળો પર અંધાધૂંધ ગોળીબાર શરૂ કર્યો હતો. જવાબમાં સુરક્ષા દળોએ ગોળીબાર કરતાં ત્રાસવાદી માર્યો ગયો હતો. ત્રાસવાદીની ઓળખ શફત હુસૈન વાણી તરીકે થઈ છે જે બારામુલ્લા જિલ્લાના વગુરા વિસ્તારનો નિવાસી હતો. તે તોઇબા સાથે એપ્રિલ 2017થી જોડાયેલો હતો.