કેન્દ્રીય મંત્રી ડો. મનસુખ માંડવિયાએ ICMR-RMRC, ભુવનેશ્વરના એનેક્સ બિલ્ડિંગનું ઉદ્ઘાટન કર્યું

સંશોધનની દ્રષ્ટિએ ભારત વૈશ્વિક નેતા બનવાની ક્ષમતા ધરાવે છે. તાજેતરના COVID-19 રોગચાળા દરમિયાન આ સાબિત થયું છે.

કેન્દ્રીય આરોગ્ય અને પરિવાર કલ્યાણ મંત્રી, ડો. મનસુખ માંડવિયાએ કેન્દ્રીય શિક્ષણ અને કૌશલ્ય વિકાસ અને સાહસિકતા મંત્રી ધર્મેન્દ્ર પ્રધાન અને કેન્દ્રીય આરોગ્ય અને પરિવાર કલ્યાણ રાજ્ય મંત્રી ડો. ભારતી પ્રવિણ પવારની હાજરીમાં,  ICMR-રિજનલ મેડિકલ રિસર્ચ સેન્ટર (RMRC) ની એનેક્સ બિલ્ડિંગનું ઉદ્ઘાટન કર્યું હતું. તેમણે ICMR સ્કૂલ ઓફ પબ્લિક હેલ્થ અને BSL III લેબોરેટરીનો શિલાન્યાસ પણ કર્યો હતો. શ્રીમતી. સંસદ સભ્ય અપરાજિતા સારંગી પણ હાજર રહ્યા હતા.

ડો. માંડવિયાએ જણાવ્યું હતું કે, “ભારત સંશોધનની દ્રષ્ટિએ વૈશ્વિક નેતા બનવાની ક્ષમતા ધરાવે છે. આ તાજેતરના COVID-19 રોગચાળા દરમિયાન સાબિત થયું છે. ICMR વૈજ્ઞાનિકોની પ્રશંસા વ્યક્ત કરતા, તેમણે જણાવ્યું કે, "ભારતે વિશ્વમાં પ્રથમ COVID-19 રસીની રજૂઆતના એક મહિનાની અંદર તેની પોતાની સ્વદેશી COVID-19 રસી બહાર પાડી".

કેન્દ્રીય આરોગ્ય મંત્રીએ તબીબી સંશોધનના અવકાશ અને આઉટપુટને વધારવા માટે સરકારી અને ખાનગી સંશોધન સુવિધાઓ વચ્ચે સંયુક્ત સહયોગ અને સહકારની જરૂરિયાત પર પણ ભાર મૂક્યો હતો. ધર્મેન્દ્ર પ્રધાને સ્વદેશી રસી બનાવવા અને કોવિડ-19 વાયરસના નવા પ્રકારોના જીનોમ સિક્વન્સિંગ તરફના તેમના સતત પ્રયાસો માટે ICMRનો આભાર વ્યક્ત કર્યો હતો. તેમણે જણાવ્યું હતું કે, પ્રધાનમંત્રી નરેન્દ્ર મોદીના નેતૃત્વમાં ભારતે આરોગ્ય સંભાળમાં આમૂલ પરિવર્તન જોયું છે. તેમણે એ પણ હાઇલાઇટ કર્યું કે, ઓડિશામાં મેડિકલ કોલેજોની સંખ્યા 2014 પહેલા માત્ર 3 હતી તે અત્યારે વધીને 10 થઈ ગઈ છે.

ICMRને તેમની સિદ્ધિઓ પર અભિનંદન આપતા, ડો. ભારતી પ્રવિણ પવારે યાદ કર્યું કે, ICMR મોબાઇલ BSL લેબનો ઉપયોગ ભૂટાન જેવા અન્ય દેશો દ્વારા તેમના COVID-19 રોગચાળાના સંચાલનમાં કરવામાં આવી રહ્યો છે. ICMR-RMRCના વૈજ્ઞાનિકોની, જેમણે TB-મુક્ત ભારત માટે માનનીય પ્રધાનમંત્રીનાના ક્લેરીયન કોલને પૂરા દિલથી સમર્થન આપ્યું અને નિક્ષય મિત્ર બનવા માટે આગળ આવ્યા તે માટે પણ તેમની પ્રશંસા વ્યક્ત કરી.

એનેક્સ બિલ્ડિંગનું નિર્માણ ઉચ્ચ સ્તરીય પ્રયોગશાળા અને વહીવટી હેતુ માટે કરવામાં આવ્યું છે. પેથોજેન્સના જીનોમિક રોગચાળા પર અભ્યાસ હાથ ધરવા માટે કેન્દ્રે નેક્સ્ટ જનરેશન સિક્વન્સિંગ (NGS)ની શરૂઆત કરી છે. નેક્સ્ટ જનરેશન સિક્વન્સિંગ સુવિધા હાલમાં ભારતીય SARS-CoV-2 જેનોમિક્સ કન્સોર્ટિયમ (INSACOG) માં SARS-CoV-2 જીનોમિક સર્વેલન્સ ડેટાનું યોગદાન આપી રહી છે. ઉભરતા અને ફરીથી ઉભરતા રોગોની ઓળખ પણ પૂરી પાડે છે. આ બિલ્ડિંગમાં બાયોઇન્ફોર્મેટિક્સ ફેસિલિટી, પ્રોટીઓમિક્સ સ્ટડી ફેસિલિટી, ઇ-લાઇબ્રેરી અને મેડિકલ મ્યુઝિયમ જેવી અત્યાધુનિક પ્રયોગશાળાઓ હશે.

ICMR-RMRC, ભુવનેશ્વર ખાતેની ICMR સ્કૂલ ઑફ પબ્લિક હેલ્થ સહભાગીઓને વ્યાવસાયિક, જટિલ અને આંતરશાખાકીય શિક્ષણ પ્રદાન કરશે, તેમને વર્તમાન જાહેર આરોગ્ય પડકારો શોધવા અને તેનો પ્રતિસાદ આપવા માટે કૌશલ્યોથી સજ્જ કરશે. સ્કૂલ ઓફ પબ્લિક હેલ્થ, ભુવનેશ્વરના નેજા હેઠળ 2018થી કેન્દ્રમાં જાહેર આરોગ્ય શૈક્ષણિક કાર્યક્રમ શરૂ કરવામાં આવ્યો છે. આ અભ્યાસક્રમ ઉત્કલ યુનિવર્સિટી, ઓડિશા (NAAC A+) સાથે સંલગ્ન છે અને આરોગ્ય અને પરિવાર કલ્યાણ વિભાગ, ઓડિશા સરકાર દ્વારા માન્ય છે. આ દેશની બીજી ICMR સ્કૂલ ઓફ પબ્લિક હેલ્થ છે. હાલમાં એમપીએચ કોર્સ (2022-24) માટે પાંચમી બેચનો પ્રવેશ પૂર્ણ થઈ ગયો છે.

ICMR-RMRC એ ભારતીય તબીબી સંશોધન પરિષદની 26 સંશોધન સંસ્થા પૈકીની એક છે, જે ભુવનેશ્વર, ઓડિશામાં આવેલી છે. બાયોમેડિકલ અને આરોગ્ય સંશોધનની રચના, સંકલન અને પ્રમોશન માટે ભારતમાં સર્વોચ્ચ સરકારી સંસ્થા, ICMR-RMRC, ભુવનેશ્વરની સ્થાપના 1981 માં 6ઠ્ઠી પંચવર્ષીય યોજના સમયગાળા હેઠળ ચેપી અને બિન-સંચારી રોગોમાં સંશોધન પ્રવૃત્તિઓ હાથ ધરવા માટે કરવામાં આવી હતી. સંસાધન વિકાસ કાર્યક્રમ અને પ્રાદેશિક આરોગ્ય સમસ્યાના ઉકેલો શોધવામાં રાજ્યના આરોગ્ય વિભાગ સાથે મજબૂત જોડાણ સ્થાપિત કરવા, કેન્દ્રે પ્રાદેશિક સ્વાસ્થ્ય સમસ્યાઓને ઓળખવા માટે અસરકારક રીતે કામ કર્યું છે અને છેલ્લા ત્રણ દાયકામાં સરકારી આરોગ્ય કાર્યક્રમ અને નીતિઓના મૂલ્યાંકન અને અમલીકરણમાં નોંધપાત્ર યોગદાન આપ્યું છે. 2020-22ના સમયગાળા દરમિયાન, કેન્દ્રએ કોવિડ-19 રોગચાળાના અસરકારક સંચાલનમાં રાજ્યના આરોગ્ય વિભાગ સાથે ગાઢ સહયોગમાં કામ કર્યું છે. છેલ્લા 5 વર્ષોમાં, કેન્દ્રએ તેની ક્ષિતિજને ઝૂનોટિક રોગો, વનહેલ્થ, આરોગ્ય પ્રણાલી સંશોધન, બિન-સંચારી રોગો, વૃદ્ધ આરોગ્ય સુધી વિસ્તારી છે અને સંશોધન સહયોગ દ્વારા દેશના 10 વિવિધ રાજ્યોમાં તેની હાજરી મજબૂત બનાવી છે.