કેન્દ્રીય વાણિજ્ય અને ઉદ્યોગ મંત્રી પિયુષ ગોયલે વિકસિત દેશોના સ્ટાર્ટઅપ્સને ભારતની મુલાકાત લેવા આમંત્રણ આપ્યું

વાણિજ્ય અને ઉદ્યોગ મંત્રી પિયુષ ગોયલે આજે કહ્યું હતું કે, ભારત સ્ટાર્ટઅપ્સ માટે યોગ્ય ઇકોસિસ્ટમ પ્રદાન કરે છે. તેમણે વિકસિત દેશોના સ્ટાર્ટઅપ્સને ભારતમાં આવવા આમંત્રણ આપ્યું હતું. ગુરુગ્રામમાં સ્ટાર્ટઅપ-20 સમિટમાં મુખ્ય વક્તવ્ય આપતાં તેમણે કહ્યું કે, ભારતને વિશાળ વ્યવસ્થાપક પ્રતિભા, કૌશલ્ય અને યુવા વસ્તી સાથે ઓછી કિંમતની ઇકોસિસ્ટમ દ્વારા સુવિધા આપવામાં આવી છે. વધુમાં તેમણે જણાવતા કહ્યું કે, ભારત એક નિયમ આધારિત અર્થતંત્ર દેશ છે અને આજે સમગ્ર દેશમાં સ્ટાર્ટઅપ કલ્ચર પ્રચલિત છે. 

પિયુષ ગોયલે કહ્યું કે, સ્ટાર્ટઅપ્સ કલ્ચર નિયમોને બદલી રહ્યું છે. રોજગાર શોધનારાઓ હવે જોબ પ્રોવાઈડર બની રહ્યા છે. તેમણે કહ્યું કે સરકાર માટે સ્ટાર્ટઅપ્સ ઇકોસિસ્ટમનું નિયંત્રણ અને માઇક્રો-મેનેજ કરવું શક્ય નથી. તેમણે ખાતરી આપી હતી કે સરકારની ભૂમિકા હંમેશા સુવિધા આપનારની રહેશે.

મંત્રી પિયુષ ગોયલે જણાવ્યું હતું કે, સ્ટાર્ટઅપ્સે સ્વતંત્ર થઈને મજબૂત રીતે કામ કરવું જોઈએ. ભારતના G-20 પ્રેસિડેન્સી હેઠળ ગઈકાલે શરૂ કરાયેલ સ્ટાર્ટઅપ-20 પાર્ટનરશિપ ગ્રુપે સ્ટાર્ટઅપ-20 સમિટનું આયોજન કર્યું છે. બે-દિવસીય કોન્ફરન્સ સ્ટાર્ટઅપ-20ના ઉદઘાટન વર્ષની સફળતાપૂર્વક પૂર્ણતા અને પોલિસી કોમ્યુનિક્યુના પ્રકાશનને ચિહ્નિત કરે છે. આ કોન્ફરન્સ સ્ટાર્ટઅપ-20 પાર્ટનરશિપ ગ્રુપની પ્રથમ મોટી સિદ્ધિ દર્શાવે છે. સમિટ આર્થિક સમૃદ્ધિ અને સામાજિક પ્રભાવને ચલાવવામાં સ્ટાર્ટઅપ્સની અપાર સંભાવનાઓને રેખાંકિત કરે છે. સ્ટાર્ટઅપ-20 ગુરુગ્રામ કોન્ફરન્સનો ઉદ્દેશ્ય સ્ટાર્ટઅપ્સની સંપૂર્ણ સંભાવનાઓ શોધવા, આર્થિક વૃદ્ધિ, રોજગાર નિર્માણ અને ટકાઉ વિકાસને વધારવાનો છે.