ચેન્નાઈમાં આજથી બે દિવસ માટે 'ચોથી પર્યાવરણ અને આબોહવા સ્થિરતા કાર્યકારી જૂથની બેઠક' યોજાશે

પર્યાવરણ અને જૈવવિવિધતા જેવા વિષયો પર પણ ચર્ચા કરવામાં આવશે

પર્યાવરણ અને આબોહવા સ્થિરતા કાર્યકારી જૂથ - ECSWG અને પર્યાવરણ અને આબોહવા મંત્રીઓની ચોથી બેઠક આજે ચેન્નાઈમાં શરૂ થશે. આ બેઠક 28 જુલાઈ સુધી ચાલશે. આ ત્રણ દિવસીય બેઠકમાં G20 દેશોના લગભગ 300 પ્રતિનિધિઓ, આમંત્રિત દેશો અને અનેક આંતરરાષ્ટ્રીય સંસ્થાઓ ભાગ લેશે.

આ બેઠકમાં મંત્રી સ્તરની બેઠકના પરિણામો અને પગલાં અંગે ચર્ચા કરવામાં આવશે. જળવાયુ પરિવર્તનના પડકારોને પહોંચી વળવા પર ભાર મૂકવામાં આવ્યો છે. સાથે જ પર્યાવરણ અને જૈવવિવિધતા જેવા વિષયો પર પણ ચર્ચા કરવામાં આવશે. 

ECSWGની છેલ્લી ત્રણ બેઠકો અને વર્ચ્યુઅલ સત્રો આ વર્ષે મે, જૂન અને જુલાઈમાં યોજાયા હતા જેમાં ભારતની અધ્યક્ષતામાં ત્રણ થીમ પર વિસ્તૃત ચર્ચા કરવામાં આવી હતી. હવે ચોથી બેઠક પર્યાવરણ અને આબોહવાની બે વ્યાપક થીમ હેઠળ પરિણામ દસ્તાવેજો પર વધુ ચર્ચા કરવા માટે સુનિશ્ચિત થયેલ છે.