નેપાળ : પીએમ નરેન્દ્ર મોદીએ જનકપુરથી અયોધ્યાની સીધી બસ સેવાને લીલીઝંડી બતાવી શુભારંભ કર્યો

પ્રધાનમંત્રી મોદીએ સીધા જનકપુર પહોંચી જાનકીમંદિર ખાતે માતા જાનકીના દર્શન કરી પૂજા-અર્ચના કરી હતી. આ પ્રસંગે પ્રધાનમંત્રી મોદીએ જનકપુરથી અયોધ્યાની સીધી બસ સેવાને લીલીઝંડી બતાવી શુભારંભ કર્યો હતો.

બે દિવસના નેપાળ પ્રવાસે પહોંચેલા પ્રધાનમંત્રી નરેન્દ્ર મોદીનું જનકપુરમાં ભવ્ય સ્વાગત કરવામાં આવ્યું. કાઠમંડુથી નેપાળના પ્રધાનમંત્રી કે.પી.ઓલી આ સ્વાગતમાં ખાસ જોડાયા હતાં. પ્રધાનમંત્રી મોદીએ સીધા જનકપુર પહોંચી જાનકીમંદિર ખાતે માતા જાનકીના દર્શન કરી પૂજા-અર્ચના કરી હતી. આ પ્રસંગે પ્રધાનમંત્રી મોદીએ જનકપુરથી અયોધ્યાની સીધી બસ સેવાને લીલીઝંડી બતાવી શુભારંભ કર્યો હતો. તેમણે પોતાના સંબોધનમાં જણાવ્યુ હતું કે, આ બસ સેવાથી બંને દેશના વેપાર અને પર્યટનને વેગ મળશે. ત્યાર બાદ પ્રધાનમત્રીએ કાઠમંડૂ જતાં પહેલા જનકપુર ખાતે યોજાયેલા નાગરિક અભિનંદન સમારોહમાં જનસભાને સંબોધી હતી. પ્રધાનમત્રી મોદી બંને દેશોના સંબધો મજબૂત કરવા નેપાળના પ્રધાનમંત્રી કે. પી. ઓલી સાથે, ચર્ચા વિચારણા કરશે. પ્રધાનમંત્રી, આવતી કાલે મુક્તિનાથ ધામની પણ મુલાકાત કરશે.