પ્રધાનમંત્રીએ આજે રાજસ્થાનના બિકાનેરમાં 24,300 કરોડથી વધુની વિકાસ પરિયોજનાઓનું, લોકાર્પણ અને શિલાન્યાસ કર્યો

પ્રધાનમંત્રી નરેન્દ્ર મોદી આજે રાજસ્થાન પ્રવાસ દરમિયાન બિકાનેરમાં 24,300 કરોડથી વધુની વિકાસ પરિયોજનાઓનું, લોકાર્પણ અને શિલાન્યાસ કર્યો હતો.  જેમાં Six Lane અમૃતસર-જામનગર Green Field Express Wayનું પણ પ્રધાનમંત્રીએ લોકાર્પણ કર્યું હતું.  રાજસ્થાનમાં આ એક્સપ્રેસ-વે 500 કિ.મી.ની લંબાઇ ધરાવે છે. ઉપરાંત પ્રધાનમંત્રીએ 10,950 કરોડ રૂપિયાના ખર્ચે તૈયાર થયેલા હરિત ઉર્જા કોરિડોરનું તથા બિકાનેરમાં 30 પથારી ધરાવતી હોસ્પિટલનું પણ લોકાર્પણ કર્યું હતું.

આ સાથે પ્રધાનમંત્રીએ રૂપિયા 450 કરોડના ખર્ચે બિકાનેર રેલવે સ્ટેશનના, પુનઃનિર્માણ યોજનાની અને રતનગઢ-ચુરૂ Rail Double line ની આધારશિલા પણ મૂકી હતી. આ પ્રસંગે પ્રધાનમંત્રીએ કોંગ્રેસ પર પ્રહાર કરતાં જણાવ્યું કે, કોંગ્રેસના જૂઠથી સૌથી વધારે નુકસાન ખેડૂતોને થયું છે.