પ્રધાનમંત્રી નરેન્દ્ર મોદીને આવતીકાલે પૂણેમાં લોકમાન્ય ટિળક રાષ્ટ્રીય એવોર્ડથી સન્માનિત કરવામાં આવશે

પ્રધાનમંત્રી નરેન્દ્ર મોદીને આવતીકાલે પૂણેમાં લોકમાન્ય ટિળક રાષ્ટ્રીય એવોર્ડથી નવાજવામાં આવશે. લોકમાન્ય ટિળક રાષ્ટ્રીય એવોર્ડની શરૂઆત 1983માં કરાઈ હતી. પૂણેના ટિળક સ્મારક મંદિર ટ્રસ્ટ દ્વારા આ પુરસ્કાર આપવાની શરૂઆત કરાઈ હતી. સ્વતંત્રતા સેનાની એવા લોકમાન્ય ટિળકની પહેલી ઓગસ્ટે પુણ્યતિથિ છે. મહત્વનું છે કે લોકમાન્ય ટિળકની પુણ્યતિથિના દિવસે દેશના વિકાસમાં નોંધપાત્ર યોગદાન આપનાર વ્યક્તિને આ પુરસ્કારથી સન્માનવામાં આવે છે. 

પ્રધાનમંત્રી પહેલી ઓગસ્ટે મહારાષ્ટ્રના પૂણેના પ્રવાસે છે. આ પ્રવાસ દરમિયા PM મોદી પૂણે મેટ્રો રેલવેના બીજા તબક્કાની રેલવે સેવાનો પ્રારંભ કરાવશે. જેનો પ્રધાનમંત્રીએ વર્ષ-2016માં બીજા તબક્કાની કામગીરીનો શિલાન્યાસ કર્યો હતો. આ સિવાય પ્રધાનમંત્રી પૂણેના જાણીતા દગડુ શેઠ ગણપતિ મંદિરમાં દર્શન અને પૂજા પણ કરશે.