રાજસ્થાન: જોધપુરમાં 2 થી 4 ફેબ્રુઆરી સુધી G-20ની પ્રથમ રોજગાર કાર્યકારી જૂથની બેઠક

રોજગાર કાર્યકારી જૂથની બેઠક માટે તૈયારીઓ શરૂ કરવામાં આવી.

રાજસ્થાનના જોધપુરમાં 2 થી 4 ફેબ્રુઆરી દરમિયાન પ્રસ્તાવિત G-20 ની પ્રથમ રોજગાર કાર્યકારી જૂથની બેઠક માટે તૈયારીઓ શરૂ થઈ ગઈ છે. જોધપુર શહેરને રાજસ્થાની સંસ્કૃતિ અને G-20 ના વિષયવસ્તુથી શણગારવામાં આવ્યું છે. બેઠકમાં બરછટ અનાજમાંથી બનાવેલું ભોજન શેરપાઓ અને પ્રતિનિધિઓને પીરસવામાં આવશે. વિદેશી મહેમાનો દિવસની શરૂઆત યોગ સત્રથી કરશે. આ બેઠકમાં 20 દેશોના શેરપા અને પ્રતિનિધિઓ ભાગ લઈ રહ્યા છે. જેમાં ઓસ્ટ્રેલિયા, ઇટાલી, જાપાન અને ચીનનો સમાવેશ થાય છે. રોજગાર કાર્યકારી જૂથની બેઠકમાં મુખ્ય ચાર મુદ્દાઓ વૈશ્વિક કૌશલ્ય અંતર, શ્રમ સઘન અને ડિજિટલ અર્થતંત્ર, સામાજિક સુરક્ષા અને સામાજિક સુરક્ષા માટે ટકાઉ ભંડોળ પર ચર્ચા કરવામાં આવશે.