CBSE પેપર લીક : પરીક્ષાની નવી તારીખોની જાહેરાત

સીબીએસઈ પેપર લીક બાદ હવે પરીક્ષાની નવી તારીખની જાહેરાત થઇ ગઇ છે. ધોરણ 12માં અર્થશાસ્ત્રનું પેપર 25 એપ્રિલે લેવાશે જ્યારે ધોરણ 10ની પરીક્ષા જુલાઈમાં યોજાવાની સંભાવના છે.

CBSCની પરીક્ષામાં પેપર લીક થયા બાદ હવે ફરીથી યોજનાર પરીક્ષાની તારીખો જાહેર કરી દેવાઇ છે. HRD મંત્રાલયે આપેલી માહિતી મુજબ ધોરણ 12નું અર્થશાસ્ત્રનું પેપર 25 એપ્રિલે લેવાશે, તો ધોરણ 10ની  ગણિતની પરીક્ષા  અંગે આગામી પંદર દિવસમાં નિર્ણય લેવાશે. નોંધનિય  છે કે ધોરણ દસનું ગણિતનું પેપર દિલ્હી અને હરિયાણામાં લીક થયું હતું. પરંતુ જો આ પરીક્ષા સમગ્ર દેશમાં ફરીવાર લેવામાં આવશે તો તેનું આયોજન જુલાઈ મહિનામાં કરવામાં આવશે,  આ માહિતી પ્રેસ કોન્ફરન્સ દ્વારા માનવ સંસાધન વિકાસ મંત્રાલયના શિક્ષણ સચિવ દ્વારા આપવામાં આવી હતી.