G-20 અધ્યક્ષતા અંતર્ગત કેરળના કુમારાકોમમાં આજથી શેરપાઓની બેઠક શરૂ થશે

ભારતની G-20 અધ્યક્ષતા અંતર્ગત ગાંધીનગરમાં G-20 ડિઝાસ્ટર મેનેજમેન્ટ Working Group ની પહેલી બેઠક શરૂ થશે. આ ત્રિદિવસીય બેઠકમાં G-20 સભ્ય દેશો, આમંત્રિત દેશો અને વિવિધ સંગઠનોના 80થી વધુ પ્રતિનિધિ ભાગ લેશે. આ બેઠક માટે 5 પ્રાથમિકતાવાળા ક્ષેત્રોની ઓળખ કરવામાં આવી છે. જેમાં સૌ કોઈ માટે એક પ્રારંભિક ચેતવણી અને આપત્તિ જોખમને પહોંચી વળવા આવશ્યક નાણાકીય સહાયતા સામેલ છે. મહત્વનું છે કે, આ બેઠક વૈશ્વિક સમુદાયને એક મંચ પર આવવા માટેનું સ્ટેજ પૂરું પાડશે. તો આ તરફ ભારતની G-20 અધ્યક્ષતા અંતર્ગત કેરળના કુમારકોમમાં G-20 શેરપાની બીજી બેઠક આજથી શરૂ થશે. આ ચાર દિવસીય બેઠકમાં G-20ના સભ્યો 9 આમંત્રિત દેશ અને વિવિધ સંગઠનોના 120થી વધુ પ્રતિનિધિ ભાગ લેશે. આ બેઠકમાં સમકાલીન વૈશ્વિક પડકારોના સમાધાન પર ચર્ચા થશે. સાથે જ શેરપા ટ્રેક અને નાણાકીય ટ્રેક બેઠકોના પરિણામોને આગળ વધારવામાં આવશે.