જામનગરમાં 74 કરોડના વિકાસકાર્યોનું લોકાર્પણ થયુ

મુખ્યમંત્રી વિજય રૂપાણીએ જનતાને આપી ભેટ

મુખ્યમંત્રી વિજય રૂપાણી દ્વારા, જામનગર મહાનગર પાલિકાના 74 કરોડ ના કામો નું લોકાર્પણ કરવામાં આવ્યું હતું. મુખ્યમંત્રીએ, રાજ્યમંત્રી ધર્મેન્દ્રસિંહ જાડેજા દ્વારા આયોજિત , ગણેશ મંડળો અને જૈન તપસ્વીઓ ના સન્માન સમારોહ માં હાજરી આપી હતી. આ પ્રસંગે મુખ્યમંત્રી વિજય રૂપાણીએ, પર્યાવરણના સંરક્ષણ માટે પ્લાસ્ટીકનો વપરાશ ઘટાડવા પર ભાર મુકયો હતો અને, પ્લાસ્ટિક-મુકત ભારતના નિર્માણ માટે, સજજ થવા ઉપસ્થિતોને આહવાન કર્યું હતું. સ્વચ્છતા અભિયાન થકી જ વિશ્વભરમાં દેશની છબી ઉજળી કરી શકાશે, એવો આશાવાદ વ્યકત કરતા મુખ્યમંત્રી વિજય રૂપાણીએ "સ્વ-શિસ્તથી" સ્વચ્છતાનું અનુસરણ કરવા નાગરિકોને, અનુરોધ કર્યો હતો.