ધસમસતા પૂરમાં બાળકીઓને બચાવનાર પોલીસકર્મીને રાષ્ટ્રીય કક્ષાનો પુરસ્કાર

સમગ્ર મોરબી જિલ્લા અને રાજ્ય પોલીસ વિભાગના ગૌરવ રૂપ ટંકારા પોલીસ મથકના પૃથ્વીરાજ સિંહ જાડેજા નું ભારત સરકાર દ્વારા રાષ્ટ્રીય કક્ષા ના ઉત્કૃષ્ટ" જીવન રક્ષક એવોર્ડ" થી વિશેષ સન્માન સાથે રૂપિયા એક લાખ નો ચેક ૭૪ સ્વાતંત્ર્ય પર્વ પ્રસંગે શ્રી પૃથ્વીરાજ સિંહ જાડેજાને અર્પણ કરવામા આવેલ.

આ તકે જિલા કલેકટર સહિત સમગ્ર વહીવટીતંત્ર અને જિલા પોલીસ અધિક્ષક સહિત ઉચ્ અધિકારીગણ અને શુભેચ્છકો દ્વારા પણ પૃથીરજસિંહ જાડેજા ને રાષ્ટ્રીય કક્ષા એ સમગ્ર જિલા અને પોલીસ વિભાગ નું નામ રોશન કરવા બદલ અભિનંદન આપવામા આવેલ.

ઉલ્લેખનીય છે કે શ્રી પૃથ્વીરાજ સિંહ જાડેજા એ જીવન જોખમે ટંકારા તાલુકાના કલ્યાણપુર ગામે બે બાળકી સહિત પરિવારનું ધસમસતા પુર અને ચોમેર પાણી વચે બચાવ કામગીરી બજાવેલ.જે અંગે તેઓ નું નામ રાષ્ટ્રીય કક્ષાએ નોમીનેટ કરવામાં આવેલ અને વર્ષ ૨૦૧૯ માટે ભારત સરકાર દ્વારા તેઓની આ અંગે જીવન રક્ષક એવોર્ડ માટે પસંદગી થયેલ.