બનાસકાંઠા- થરાદના ખેડૂતે બનાવ્યુ મિની ટ્રેક્ટર

ખેડૂત નાગજીભાઈ પટેલે પોતાના ખેતરમાં દાડમની ખેતી કરી છે

આધુનિક યુગમાં અનેક નવી નવી ટેકનોલોજી વિકસી રહી છે. ત્યારે બનાસકાંઠા જિલ્લાના થરાદ તાલુકાના એક ખેડૂતે જાતે જ ખેતીમાં સરળતા માટે મીની ટ્રેક્ટર બનાવ્યું છે. બનાસકાંઠાના ખેડૂત નાગજીભાઈ પટેલે પોતાના ખેતરમાં દાડમની ખેતી કરી છે. દાડમના બગીચામાં ઓછી મજુરી થાય અને થોડો ખચૅ થાય એ માટે નાગજીભાઈએ છ મહિનાની મહેનતને અંતે મીની ટ્રેક્ટર તૈયાર કર્યું છે. બજારમાં આવા મિની ટ્રેકટરની કિંમત ત્રણ લાખ રૂપિયા સુધીની હોય છે પરંતુ આ ખેડૂતે પોતાની આગવી સૂઝથી નજીવી કિંમત એક લાખ અને ચાલીસ હજારમાં ખેતી કામ કરતું ટ્રેક્ટર બનાવ્યું છે. જેને જોવા માટે રોજના અનેક લોકો આવે છે અને આ ખેડૂત પાસેથી પ્રેરણા મેળવી રહ્યા છે