રાજ્યમાં છેલ્લા 24 કલાકમાં કોરોનાના નવા 1026 કેસ નોંધાયા, તો 744 દર્દીઓ થયા સાજા

રાજ્યમાં અત્યાર સુધીમાં કુલ 5,62,682 ટેસ્ટ કરવામાં આવ્યા છે. રાજ્યના જુદા જુદા જિલ્લાઓમાં આજની તારીખે કુલ 4,16,520 વ્યક્તિઓને ક્વોરેન્ટાઈન કરવામાં આવ્યા છે. રાજ્યમાં હાલ કુલ એક્ટિવ કેસની સંખ્યા 11,861 છે, જેમાંથી 82 વેન્ટિલેટર પર છે અને 11,779 દર્દીઓ સ્ટેબલ છે. રાજ્યમાં અત્યાર સુધી કુલ 36,403 દર્દીઓને ડિસ્ચાર્જ આપવામાં આવ્યા છે અને રાજ્યમાં કુલ 2201 ના મોત થયા છે.

રાજ્યમાં છેલ્લા 24 કલાકમાં 34 દર્દીઓના મોત થયા છે, જેમાંથી સુરતમાં 21,અમદાવાદમાં 6, વડોદરામાં 2, ભાવનગરમાં 1, ગીર સોમનાથમાં 1, જામનગરમાં 1, કચ્છમાં 1 અને પાટણમાં 1ના મોત થયા છે.

નવા કેસ પ્રમાણે છેલ્લા 24 કલાકમાં અમદાવાદ શહેરમાં 187 અને ગ્રામીણમાં 12 થઈ કુલ 199 નવા કેસ અમદાવાદ જિલ્લામાં નોંધાયા છે. તો સુરત શહેરમાં 225 અને ગ્રામીણમાં 73 નવા કેસ નોંધાયા છે. વડોદરા શહેરમાં નવા 60 અને ગ્રામીણમાં 15 કેસ નોંધાયા છે. રાજકોટ શહેરમાં નવા 45 અને ગ્રામીણમાં નવા 13 કેસ નોંધાયા છે.